У кастрычніку 2015 года на базе Цэнтра сацыяльнага абслугоўвання насельніцтва Дзятлаўскага раёна было адкрыта аддзяленне дзённага знаходжання для грамадзян пажылога ўзросту. Асноўныя накірункі ў яго рабоце — гэта забеспячэнне дзённага нагляду за пажылымі грамадзянамі, аказанне ім садзейнічанне ў атрыманні кансультацый спецыялістаў, маральна-псіхалагічная падтрымка, умацаванне здароўя, павышэнне інфармацыйнай дасведчанасці і адукацыйнага ўзроўню, правядзенне мерапрыемстваў па сацыяльнай, псіхалагічнай, творчай і працоўнай рэабілітацыі, арганізацыя вольнага часу, клубная работа.
Каб абмеркаваць арганізацыйныя пытанні, загадчыца аддзяленне дзённага знаходжання для грамадзян пажылога ўзросту Наталля Ігараўна Ціхан сустрэлася з наведвальнікамі. У рамках сустрэчы адбылося знаёмства з кожным пенсіянерам, быў абмеркаваны графік наведванняў і клубная дзейнасць аддзялення. У выніку анкетавання пажылых грамадзян высветліліся іх пажаданні, інтарэсы, захапленні.
Пагутарыўшы з людзьмі пажылога ўзросту, загадчыца аддзялення прыйшла да высновы, што яе падшэфныя жадаюць навучыцца працаваць за камп’ютарам і авалодаць асноўнымі камп’ютарнымі праграмамі, наведваць басейн і трэнажорную залу, танцаваць, удзельнічаць у псіхалагічных трэнінгах, ездзіць на экскурсіі.
Падрыхтавала да друку І. КАЎКЕЛЬ