АСВОД Дзятлаўскага раёна прызнаны адным з лепшых у Гродзенскай вобласці па выніках работы за 2022 год, за што старшыні раённай арганізацыі Сяргею Шпакоўскаму быў уручаны Дыплом за трэцяе месца.
Як адзначыў Сяргей Іосіфавіч, АСВОД у Беларусі падтрымліваецца дзяржавай на самым высокім узроўні – ад падрыхтоўкі кваліфікаваных спецыялістаў да тэхнічнай аснашчанасці выратавальных станцый і пастоў.
Так, на гарадскім пляжы ўстаноўлены інфармацыйны стэнд з правіламі бяспечных паводзінаў на вадзе, лаўкі, сметніцы і іншае. Ужо ў гэтым годзе завершаны праект па яго электрыфікацыі.
Акрамя гэтага, Сяргей Шпакоўскі расказаў аб эфектыўным узаемадзеянні таварыства з супрацоўнікамі Дзятлаўскага РАНС, раённай газеты, членамі ГА “БРСМ”.
– Работа ўсіх была скіравана на прафілактыку няшчасных выпадкаў і недапушчэнне гібелі людзей на вадзе. Упэўнены, толькі агульнымі намаганнямі можна зберагчы людскія жыцці, – падрахункаваў Сяргей Шпакоўскі.
Таццяна ГРЫЦУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga