На тэрыторыі Дзятлаўскага раёна з 1 чэрвеня па 15 верасня 2017 года праходзіла спецыяльнае прафілактычнае мерапрыемства «Мак». Яно было скіравана на знішчэнне наркатычнай сыравіннай базы расліннага паходжання, спыненне злачыннай дзейнасці, звязанай з незаконным абаротам наркотыкаў расліннага паходжання, ухіленне прычынаў і ўмоваў, якія спрыяюць распаўсюджванню такіх наркатычных сродкаў.
За час мерапрыемства быў выяўлены 31 факт вырастання нарказмяшчальных культур, сярод якіх 9 — дзікарослага маку, 1 — канопляў, 21 — алейнага маку.
Агульная вага знішчанага маку склала 1164,31 кілаграма, канопляў — 1 кілаграм. Плошча знішчаных незаконных пасеваў маку — 52,375 квадратных метра. Складзена 16 адміністрацыйных пратаколаў па артыкуле 16.1 Кодэкса аб адміністрацыйных правапарушэннях Рэспублікі Беларусь.
Па лініі наркакантролю выяўлена адно злачынства, прадугледжанае часткай 2 артыкула 328 Крымінальнага кодэкса Рэспублікі Беларусь: па факце збыту жыхару горада Дзятлава небяспечнага псіхатропнага рэчыва «Дыязепам». Злачынства да цяперашняга часу застаецца нераскрытым.
В. БАРОЎСКІ,
оперупаўнаважаны групы наркакантролю і супрацьдзеяння гандлю людзьмі АУС Дзятлаўскага райвыканкама
