У мінулым годзе 7 жыхароў Дзятлаўшчыны было прыцягнута да адміністрацыйнай адказнасці за парушэнне тэрмінаў падаўжэння дазволу на права захоўвання і нашэння грамадзянскай зброі.
Памер штрафу за гэта адміністрацыйнае правапарушэнне складае ад 4 да 15 базавых велічыняў. У адпаведнасці з дзеючым заканадаўствам, заяву аб падаўжэнні тэрміну дзеяння дазволу на права захоўвання і нашэння зброі неабходна падаваць за месяц да яго заканчэння.
Пры сабе неабходна мець наступныя дакументы:
– пашпарт;
– дазвол на захоўванне і нашэнне грамадзянскай зброі;
– дзяржаўнае пасведчанне на права палявання (у выпадку падаўжэння тэрміну дзеяння дазволу на захоўванне і нашэнне паляўнічай зброі);
– медыцынскую даведку аб стане здароўя;
– дакумент, які пацвярджае ўнясенне платы ў памеры 1 базавай велічыні (37 рублёў) за кожную адзінку грамадзянскай зброі.
Кругласутачна ў аддзеле ўнутраных спраў райвыканкама працуюць тэлефоны гарачай лініі: 8-01563-2-13-34, 8-029-3508064, 8-029-5806042. На гэтыя нумары можна паведамляць пра факты незаконнага захоўвання, вырабу зброі, яе частак, боепрыпасаў да яе, а таксама выбуховых рэчываў і прыстасаванняў ці заявіць аб сваім жаданні добраахвотна здаць зброю ў органы ўнутраных спраў.
Памятайце, што асобы, якія здаюць зброю добраахвотна вызваляюцца ад адміністрацыйнай і крымінальнай адказнасці. Ананімнасць гарантуецца.
Аляксандр БІЛЬ,
начальнік АУС Дзятлаўскага райвыканкама
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
