Плацельшчыкамі экалагічнага падатку за захаванне адходаў прызнаюцца ўласнікі вытворчасці: арганізацыі і індывідуальныя прадпрымальнікі.
Экалагічны падатак вылічваецца ўладальнікамі аб’ектаў захавання. У Гродзенскай вобласці імі з’яўляюцца гарадскія і раённыя ўнітарныя прадпрыемствы жыллёва-камунальных гаспадарак, камунальнае вытворчае ўнітарнае прадпрыемства “Гродзенскі завод па ўтылізацыі і механічным сартаванні адходаў”. Для разліку экалагічнага падатку неабходна ўлічваць стаўку падатку, якая залежыць ад класнасці адходаў. Так, з 15 студзеня 2021 года стаўка па класе небяспекі наступная: бяспечныя — 5,69, 3 класа — 144,21 і 4 класа — 71,91.
Пералік дадзенага падатку ажыццяўляецца ўладальнікам аб’ектаў захавання адходаў, асобнай плацежнай інструкцыяй, непасрэдна ў момант аплаты паслуг па захаванні адходаў, але не пазней за 10 чысло месяца. Для ўласнікаў адходаў, якія дапусцілі парушэнні тэрмінаў выплаты экалагічнага падатку прадугледжана налічэнне падвойнага памеру на не пералічаную ў патрэбы тэрмін суму.
Выплата экалагічнага падатку праводзіцца штоквартальна не пазней за 22 чысло месяца, наступнага за мінулым падатковым перыядам, уладальнікамі аб’ектаў захавання адходаў.
Камітэтам дзяржаўнага кантролю Гродзенскай вобласці ўстаноўлены факты нявыплаты экалагічнага падатку на захаванне адходаў як у аднаразовым, так і падвойным памеры. Акрамя таго, некаторыя ўладальнікі аб’ектаў захавання адходаў не налічваюць двайны памер за несвоечасовую выплату дадзенага падатку.
Гэта прыводзіць да недастатковага фінансавання расходаў, накіраваных на развіццё розных сфераў дзейнасці дзяржавы.
Аляксандр САДАЎНІЧЫ,
першы намеснік старшыні Камітэта дзяржаўнага кантролю Гродзенскай вобласці
