Вогнетушыцель – надзейны і першы сродак барацьбы з агнём, аднак трэба ўмець правільна ім карыстацца.
Спачатку неабходна паднесці вогнетушыцель на мінімальна магчымую і бяспечную для тушэння пажару адлегласць, сарваць пломбу і вырваць загваздку. Затым накіруйце насадку шланга (раструб) на ачаг узгарання і націсніце на рычаг вогнетушыцеля. Выкарыстоўваць вогнетушыцель варта бесперапынна з усіх бакоў узгарання да поўнага спынення гарэння.
Пры выкарыстанні вуглекіслотнага вогнетушыцеля (ён прызначаны для тушэння розных рэчываў і матэрыялаў, электраўстановак пад напружаннем) абараніце рукі пальчаткамі або тканінай.
Памятайце, што своечасовыя дзеянні на пачатковай стадыі пажару — залог захавання маёмасці, жыцця і здароўя людзей.
А. БЕЛЕНКА,
інспектар Дзятлаўскага РАНС