У кастрычніку 2015 года да адміністрацыйнай адказнасці па ч. 1-1 арт. 12.7 КоАП Рэспублікі Беларусь за ажыццяўленне незаконнай прадпрымальніцкай дзейнасці прыцягнуты грамадзянін В., які ў сваім гаражы, размешчаным недалёка ад будынка фінансавай міліцыі ў горадзе Слоніме, адкрыў пункт па незаконнай нарыхтоўцы (скупцы) лому і адходаў каляровых металаў. Варта адзначыць, што грамадзянін В. разам са сваім знаёмым раней ужо прыцягваўся за ажыццяўленне дадзенага віду незаконнай дзейнасці, аднак памер вызначанага судом пакарання чаму-небудзь не навучыў. Дарэчы, калі раней у дадзенай кропцы прымаўся як чорны, так і каляровы лом, то пасля прыцягнення да адміністрацыйнай адказнасці грамадзянін В. стаў спецыялізавацца ў асноўным на каляровым метале. І, вядома ж, пры скупцы металу не патрабаваў ні пашпарта таго, хто здае, як і не цікавіўся паходжаннем скупляемага металу. Пры гэтым выкарыстоўваліся пэўныя меры канспірацыі: у гаражы, у якім ажыццяўлялася скупка, захоўвалася толькі невялікая колькасць нарыхтаванага лому, а асноўная частка захоўвалася ў іншым месцы. Агульная вага знойдзенага работнікамі фінансавай міліцыі лому каляровых металаў склала звыш 4 тон. Яго кошт перавысіў 64 млн. рублёў. Гэта адна з найбуйнейшых партый лому каляровых металаў, канфіскаваных на тэрыторыі раёна. Эканамічны суд Гродзенскай вобласці, разгледзеўшы адміністрацыйны пратакол фінансавай міліцыі, прымяніў да грамадзяніна В. штраф у памеры 7,2 млн. рублёў з канфіскацыяй лому каляровых металаў.
С. ТУПТАЛА,
начальнік Слонімскага МА УДФР КДК па Гродзенскай вобласці