Рэспубліканская патрыятычная акцыя “Памяць сэрца” стартавала на Дзятлаўшчыне 13 снежня.
Лейтматыў акцыі – захаванне гістарычнай памяці аб подзвігу ў Вялікай Айчыннай вайне.
Старт аўтапрабега пачаўся з горада Дятлава, па маршруце Дзятлава – вёска Коцькі, дзе ў трох брацкіх магілах захаронены амаль 8 тысяч расстраляных 13 снежня 1942 года яўрэяў – гарадскі пасёлак Наваельня (пахаваны савецкія салдаты, якія загінулі на палях Вялікай Айчыннай вайны) – вёска Курпешы (у брацкай магіле якой пахавана 2800 яўрэяў). Каля абеліска, усталяванага ў лясным масіве непадалёку ад вёскі Курпешы, адбудзецца мітынг-рэквіем. Тут моладзь ускладзе кветкі да абеліска і запаліць з лампад кампазіцыю “Памяць сэрца”. У акцыі прымае актыўны ўдзел працоўная моладзь Дзятлаўшчыны і прадстаўнікі старэйшага пакалення.
Тэматыцы захавання гістарычнай памяці прысвечаны дыялог пакаленняў, які праходзіць на базе Дзятлаўскай раённай бібліятэкі. Падчас работы гэтай камунікацыйнай пляцоўкі будуць абмяркоўвацца пытанні патрыятычнага выхавання моладзі на Дзятлаўшчыне.
Наталля АВЯРЧУК
Вольга Юшкевіч
