Штогод 22 верасня ў Рэспубліцы Беларусь праводзіцца міжнародная акцыя – “Дзень без аўтамабіля”.
Больш за 80 % забруджвання атмасферы прыпадае на долю аўтатранспарту.
Адным з найважнейшых фактараў зніжэння выкідаў аўтамабіляў з’яўляецца наяўнасць і даступнасць аб’ектаў абслугоўвання і ліквідацыі няспраўнасцяў з надзейным дыягнастычным абсталяваннем і кваліфікаваным тэхнічным персаналам.
У гэты дзень аўтамабілістам прапануюць:
– адрэгуляваць рухавік сваёй машыны (гэта можа паменшыць шкодныя выкіды на 10 %);
– глушыць матор на прыпынках;
– зменшыць перашкоду для руху грамадскага транспарту;
– адмовіцца ад кароткіх паездак.
Дзятлаўская раённая інспекцыі прыродных рэсурсаў і аховы навакольнага асяроддзя рэкамендуе жыхарам горада Дзятлава і раёна пакінуць сваю машыну на стаянцы. Прагуляйцеся пешшу, перасядзьце на веласіпед і паглядзіце на прыгажосць свайго горада не з акна аўтамабіля.
Дзмітрый БАЛЬКОЎСКІ,
начальнік Дзятлаўскай райінспекцыі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
