Сёння Дзятлаўская раённая бібліятэка запрасіла сваіх наведвальнікаў весела і цікава разам правесці бібліядзень “Чтоб шагалось в ногу с веком, загляни в библиотеку”, прымеркаваны да Дня бібліятэк.
На працягу дня тут працавалі розныя тэматычныя пляцоўкі. Фотаатэлье “Zнято” прапанавала гасцям бібліятэчны хранограф “У аб’ектыве бібліятэка”, нагадала забытыя кнігі праз рэтравыставу, у фотазоне кожны жадаючы змог сфатаграфавацца на памяць.
Пазнавальнай і цікавай стала літаратурная гасцёўня “Нам ёсць кім ганарыцца”, падчас работы прававой пляцоўкі наведвальнікі бібліятэкі змаглі атрымаць карысную інфармацыю па прававым выхаванні, а таксама трапіць на прыём да натарыуса.
У гэты дзень кожны жадаючы меў магчымасць пабыць у ролі бібліятэкара-стажора, ну і канечне, павіншаваць сваю бібліятэку са святам.
Таццяна САНЮК
Фота Вольгі ЮШКЕВІЧ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
