Пасяджэнне Рэспубліканскага арганізацыйнага камітэта па падрыхтоўцы і правядзенні II Еўрапейскіх гульняў 2019 года ў Беларусі прайшло ва ўрадзе пад кіраўніцтвам прэм’ер-міністра Андрэя Кабякова.
Былі разгледжаны вынікі візіту каардынацыйнай камісіі Еўрапейскіх алімпійскіх камітэтаў у Беларусь. На арганізацыйным камітэце была абмеркавана магчымасць выкарыстання студэнцкіх інтэрнатаў установаў адукацыі для размяшчэння турыстаў у час правядзення гульняў. Таксама разгледжаны пытанні па выбары дамашняга вяшчальніка гульняў.
Міністэрства транспарту і камунікацый да Еўрапейскіх гульняў плануе завяршыць рэалізацыю некалькіх вялікіх інфраструктурных праектаў, а менавіта, завяршэнне рэканструкцыі ўчасткаў аўтамабільных дарог М6 Мінск — Гродна, Р23 Мінск — Мікашэвічы і будаўніцтва другой узлётна-пасадачнай паласы.
Акрамя таго, транспартнікі рыхтуюцца да чэмпіянату свету па хакеі, які будзе праходзіць у 2021 годзе ў Мінску і Рызе. Будуць укладвацца сродкі ў дарожную інфраструктуру ў раёне Полацка, каб выйсці на новы ўзровень аўтадарог па параметрах і якасці.