15 ліпеня 2017 года ў 11 гадзін у аграгарадку Белагурна Дзятлаўскага раёна пачнецца свята Пеўня. Яно праводзіцца ўпершыню ў рамках раённага сельскагаспадарчага праекта “Дбайных гаспадароў славім – весела час бавім”. Свята пройдзе ў гонар сімвала 2017 года Вогненнага Пеўня. Мэта праекта – папулярызацыя сельскагаспадарчай працы, сельскагаспадарчых прафесій і быту, арганізацыя культурнага адпачынку насельніцтва.
У праграме:
выстава-продаж вырабаў дэкаратыўна-прыкладнога мастацтва;
выстава страваў беларускай кухні “Сталоўка ў пеўніка”;
урачыстае адкрыццё свята;
“Сельская вясёлая эстафета” – спаборніцтвы сярод камандаў КСУПаў Дзятлаўскага раёна;
узнагароджанне пераможцаў;
канцэрт лепшых артыстаў горада Дзятлава і Дзятлаўскага раёна;
гульнёвая праграма народнага тэатра – гульні “Прымакі”.
На працягу свята будуць працаваць гандлёвыя кропкі, выставы дзіцячага прыкладнога мастацтва, дзіцячыя атракцыёны.
Даведкі па тэлефоне 2-21-71 або на сайце ckdyatlovo.
М. ЛУКІЯНЕЦ,
загадчыца аддзела метадычнай работы Дзятлаўскага цэнтра культуры і народнай творчасці