На якія жыллёва-камунальныя паслугі прадастаўляецца субсідыя?
Тэхнічнае абслугоўванне жылога дома, капітальны рамонт, прыбіранне месцаў агульнага карыстання, газазабеспячэнне, водазабеспячэнне, электраэнергія (у тым ліку, выдаткі на электраэнергію для асвятлення пад’ездаў і работы ліфтоў), цеплазабеспячэнне, вываз смецця.
Хто можа атрымаць субсідыю?
Уласнік жылля і члены яго сям’і, наймальнік дзяржаўнага жылля і члены яго сям’і, члены арганізацыі забудоўшчыкаў.
Хто мае права на афармленне субсідыі?
Грамадзяне, выдаткі якіх на паслугі ЖКГ (у межах нарматываў спажывання) перавышаюць устаноўлены для іх абавязковы памер плацяжу:
- 20% сукупнага даходу грамадзяніна (сям’і), які жыве ў горадзе або пасёлку гарадскога тыпу;
- 15% сукупнага даходу грамадзяніна (сям’і), які жыве ў сельскай мясцовасці.
Куды звяртацца па прызначэнне субсідыі і якія дакументы прадастаўляць?
Непрацуючым пенсіянерам і інвалідам, якія жывуць асобна, субсідыя будзе налічвацца аўтаматычна, без падачы дакументаў.
Астатнім катэгорыям грамадзян неабходна звярнуцца ў райвыканкам або сельскія выканкамы па месцы жыхарства з пакетам дакументаў, неабходных для афармлення субсідыі:
- заява на атрыманне субсідыі (узор прадастаўляецца па месцы звароту); пашпарт (або дакумент, які пацвярджае асобу);
- дакументы, якія пацвярджаюць даходы ўласніка жылля і членаў яго сям’і за 6 месяцаў (даведка аб заробку, дапамозе, даходах ад прадпрымальніцкай дзейнасці ); працоўная кніжка; пасведчанне аб нараджэнні дзіцяці (для тых, у каго ёсць дзеці да 18 гадоў); пасведчанне аб заключэнні (або скасаванні) шлюбу; пенсійнае пасведчанне; пасведчанне інваліда.
На які тэрмін прадастаўляецца субсідыя?
На 3 месяцы – для непрацуючых пенсіянераў і інвалідаў, якія жывуць асобна. Працягваецца аўтаматычна.
На 6 месяцаў – астатнім катэгорыям грамадзян. Для падаўжэння субсідыі неабходна звярнуцца ў выканкам па месцы жыхарства з пашпартам, заявай і дакументамі аб даходах.
Хто не атрымае жыллёвую субсідыю?
Уласнік некалькіх жылых памяшканняў (выключэнне – шматдзетныя сем’і); уласнік жылля, які здае яго па дагаворы найму;
уласнік кватэры, у якой зарэгістравана прыватнае прадпрыемства.
Якія асаблівасці прадастаўлення субсідыі?
Па выяўленчым прынцыпе будуць улічвацца даходы сям’і за тры месяцы, а па заяўленчым – за шэсць месяцаў.
Калі зменяцца тарыфы, пераразлік субсідыі зробяць аўтаматычна.
Субсідыя ў наяўных грашах на рукі не выдаецца, дзяржава пералічыць яе пастаўшчыкам паслугаў. Памер субсідыі будзе адлюстраваны ў рахунку-паведамленні, на гэту суму зменшыцца аплата.
Аддзел жыллёва-камунальнай гаспадаркі Дзятлаўскага райвыканкама