Па кансервы — да суседкі
Раённы аддзел Следчага камітэта ўзбудзіў крымінальную справу на раней судзімага беспрацоўнага жыхара аграгарадка Вензавец. Мужчына паўторна ўчыніў крадзеж: ноччу з незамкнёнай гаспадарчай пабудовы мясцовай жыхаркі скраў адзінаццаць слоікаў з кансервамі.
Прапаў сістэмнік
Па дапамогу да праваахоўнікаў звярнуўся прыватны прадпрымальнік. Ён паведаміў, што з памяшкання, якое ён арандуе ў будынку Дзятлаўскага камбіната бытавога абслугоўвання, прапаў сістэмны блок камп’ютара. Раённым аддзелам следчага камітэта ўзбуджана крымінальная справа. Па папярэдніх даных злачынца адціснуў уваходныя дзверы і такім чынам трапіў у памяшканне.
Скраў у маці
Раённы аддзел следчага камітэта ўзбудзіў крымінальную справу на раней судзімага беспрацоўнага жыхара вёскі Хадзяўляны. Мужчына паўторна ўчыніў крадзеж. Знаходзячыся дома, у сваёй маці-пенсіянеркі, ён скраў 60 рублёў.
Прапаў веласіпед
Па дамапогу ў міліцыю звярнулася жанчына. Яна паведаміла, што ў яе прапаў дарожны веласіпед, які пакінула ў двары аднаго з дамоў па вуліцы Леніна ў гарпасёлку Наваельня. Праваахоўнікі адшукваюць злодзея.
Пагаспадарыў злодзей
Жыхарка Мінскай вобласці звярнулася па дапамогу да праваахоўнікаў. У гарпасёлку Казлоўшчына ў жанчыны ёсць дом, якія яна выкарыстоўвае ў якасці дачы. Апошні раз гаспадыня наведвалася сюды ў ліпені, а калі прыехала ў кастрычніку, то ўбачыла, што тут пагаспадарыў злодзей. Невядомы залез праз выстаўленае акно і скраў біжутэрыю, дакументы, сродкі гігіены. Раённым аддзелам Следчага камітэта ўзбуджана крымінальная справа.
В. ГУЛЬНІК,
старшы інспектар групы інфармацыйнага забеспячэння АУС Дзятлаўскага райвыканкама
