23-24 верасня ў Гродне праходзіць XVIII рэспубліканская ўніверсальная выстава-кірмаш “Еўрарэгіён “Нёман-2016”, у рабоце якой прымаюць удзел каля 150 прадпрыемстваў. Сваю прадукцыю яны размясцілі на закрытых і адкрытых пляцоўках цэнтральнага спартыўнага комплексу “Нёман”.
Сёлета экспазіцыя “Гродзеншчына турыстычная”, якая размясцілася ў асобным павільёне, прадстаўлена 25 ўдзельнікамі. Сярод іх – санаторыі і курорты Беларусі, Літвы, Польшчы.
Другі раз запар у “Еўрарэгіёне “Нёман-2016” прымаюць удзел прадстаўнікі кітайскай правінцыі Ганьсу. Яны прэзентуюць удзельнікам выставы тавары лёгкай і харчовай прамысловасці, сувенірную прадукцыю.
Ключавым мерапрыемствам выставы-кірмашу стаў міжнародны інвестыцыйны форум “Гродзеншчына на скрыжаванні межаў”.