У прытулак — з падарункамі і віншаваннямі

Сацыяльная сфера

_MG_0554

_MG_0556

_MG_0562

_MG_0565

_MG_0566

_MG_0567

_MG_0575

_MG_0589

Дабрачынная навагодняя акцыя «Нашы дзеці» працягваецца. Усмешкі на тварах малечы не пакідаюць дарослых абыякавымі. Напярэдадні Новага года ў прытулак сацыяльна-педагагічнага цэнтра горада Дзятлава, каб падарыць дзецям, якія тут знаходзяцца, святочны настрой, з падарункамі і віншаваннямі наведаліся госці.
Гэта былі намеснік начальніка АУС Дзятлаўскага райвыканкама па ідэалагічнай і кадравай рабоце І. В. Хітро, начальнік інспекцыі па справах непаўналетніх АУС Дзятлаўскага райвыканкама В. В. Петрукевіч, намеснік старшыні камісіі па справах непаўналетніх райвыканкама С. В. Залучан, галоўны спецыяліст аддзела адукацыі, спорту і турызму райвыканкама А. А. Чайкоўская, метадыст аддзела адукацыі, спорту і турызму райвыканкама Т. Г. Сцяпура, галоўны рэдактар раённай газеты «Перамога» А. М. Кудзінаў, старшыня Дзятлаўскага раённага аб’яднання прафсаюзаў А. Д. Сатараў. Прытулку госці перадалі цацкі і салодкія падарункі. Дзецям і педагагічнаму калектыву ўстановы наведвальнікі пажадалі моцнага здароўя, дабрыні, ажыццяўлення мараў і надзеяў. Дырэктар сацыяльна-педагагічнага цэнтра А. А. Жэгалік падзякавала гасцям за падарункі, віншаванні і плённае супрацоўніцтва на працягу года.

І. КАЎКЕЛЬ
Фота П. АДАМЧУКА



Добавить комментарий

Ваш e-mail не будет опубликован. Обязательные поля помечены *