Каб прагаласаваць датэрмінова, выбарчы ўчастак у родным аграгарадку Дварэц наведаў старшыня раённай прафсаюзнай арганізацыі Беларускага прафсаюза работнікаў аграпрамысловага комплексу Уладзімір Казак.
– Мы перажываем няпросты час, і на дадзеным этапе вельмі важна выбраць дастойнага лідара краіны, захаваць усё добрае, што было напрацавана на працягу трыццаці гадоў развіцця суверэннай Беларусі. Галоўныя набыткі гэтага перыяду – мір, умацаванне нацыянальнай эканомікі, прамысловага патэнцыялу, прыродных рэсурсаў і вельмі важнае – недапушчэнне расслаення грамадства. Мы жывём у краіне роўных магчымасцяў, такой яе абавязаны перадаць нашым нашчадкам, – адзначыў ён.
Уладзімір Фёдаравіч адзначыў, што члены прафсаюза прымаюць актыўны ўдзел у электаральным працэсе як у якасці выбаршчыкаў, так і ў якасці членаў выбарчых камісій, наглядальнікаў.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#Президент #Выборы
