Запрашаем педагагічныя калектывы і навучэнцаў сельскіх, раённых і абласных школ правесці незабыўны дзень на праекце “Быць годнымі іх Вялікай Перамогі!” у Нацыянальнай бібліятэцы Беларусі па спецыяльна распрацаванай комплекснай праграме, накіраванай на:
— забеспячэнне стацыянарнага і анлайн доступу ўстановаў адукацыі да інфармацыйных рэсурсаў і сэрвісаў Нацыянальнай бібліятэкі Беларусі;
— папулярызацыю кнігі як сродку захавання памяці аб гераічным мінулым і фарміравання павагі да подзвігу савецкага народа;
— гераізацыю подзвігу савецкага народа ў свядомасці падрастаючага пакалення беларусаў і падахвочванне да вывучэння гісторыі Беларусі.
Комплексная праграма “Незабыўны дзень школьніка на праекце “Быць годнымі іх Вялікай Перамогі!” уключае:
— вывучэнне інфармацыйнага патэнцыялу галоўнай бібліятэкі краіны;
— атрыманне анлайн-доступу да інфармацыйных рэсурсаў;
— азнаямленне са зместам матэрыялаў па папярэдне ўзгодненай тэме;
— бібліяграфічны ўрок на выбар з цыклу заняткаў “Пастараемся ж і мы быць годнымі іх Вялікай Перамогі!” з элементамі экскурсіі і наведваннем выставачных экспазіцый, прысвечаных перамозе савецкага народа ў Вялікай Айчыннай вайне;
— афармленне чытацкага білета (з 14 гадоў, а да 14 гадоў – па спецыяльным пропуску);
— заказ і атрыманне літаратуры;
— час для адпачынку і харчавання (комплексны абед па папярэднім запісе);
— наведванне агляднай пляцоўкі і музея кнігі.
Запісацца на комплексную праграму можнапа тэлефоне +375-29-1984183. E-mail: polunchenkoolga@yandex.by.
Вольга ПАЛУНЧАНКА,
галоўны бібліёграф Нацыянальнай бібліятэкі Беларусі, аўтар і кіраўнік праекта
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
