Навучэнцы Круцілавіцкага дзіцячага сада-сярэдняй школы на чале з настаўніцай Надзеяй Канявега чарговы раз наведалі аддзяленне дзённага знаходжання для інвалідаў «Праменьчык» Цэнтра сацыяльнага абслугоўвання насельніцтва Дзятлаўскага раёна, каб падарыць радасць і святочны настрой асаблівым людзям.
Вядучыя праграмы Ксенія Болтач і Карына Верамейка запрасілі наведвальнікаў аддзялення ў казачнае падарожжа, у час якога яны сустрэліся з Дзедам Марозам (Мікіта Кучынскі) і Снягурачкай (Алеся Адамчык), а таксама даведаліся пра прыгоды Бабы-Ягі (Дарына Заваротная) і старой Шапакляк (Анжэла Верамейка).
Песнямі прысутных парадавалі Яўгенія Анушкевіч, Анастасія Бортнік, Ульяна Баброўская. Цікавыя гульні з асаблівымі людзьмі правялі работніцы Данілавіцкага дома культуры Святланы Грос і Іна Анушкевіч.
Напрыканцы сустрэчы госці пачаставалі наведвальнікаў аддзялення мандарынамі.
Загадчыца аддзялення Алена Калюцік падзякавала за цікавае выступленне дзецям і іх настаўніцы, работніцам Данілавіцкага дома культуры, а таксама аддзелу адукацыі, спорту і турызму Дзятлаўскага райвыканкама за выдзелены транспарт.
Ірына КАЎКЕЛЬ
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…