У Дзятлаўскай раённай бібліятэцы прафсаюзны прыём грамадзян па пытаннях тлумачэння нормаў заканадаўства, якія рэгулююць сферу працоўных і звязаных з імі праваадносінаў, правялі прававы інспектар працы Гродзенскай абласной арганізацыі Беларускага прафсаюза работнікаў галін прамысловасці “Белпрафмаш” Ірына Клімовіч і пракурор Дзятлаўскага раёна Віталій Юрго. На сустрэчу былі запрошаны працаўнікі сферы культуры.
Ірына Эльдараўна расказала пра асаблівасці рэгулявання працы жанчын і работнікаў, якія маюць сямейныя абавязкі. Яна акцэнтавала ўвагу на тым, якія існуюць абмежаванні на прымяненне працы цяжарных жанчын і тых, у каго дзеці ва ўзросце да чатырнаццаці гадоў або інваліды; хто мае права на перавод на лёгкую працу; якія гарантыі прадугледжаны пры падаўжэнні (заключэнні новага) кантракта; пры якіх умовах забаронена звальняць работнікаў.
Віталій Юрго спыніўся на расследаванні крымінальнай справы пра генацыд беларускага народа ў гады Вялікай Айчыннай вайны, паколькі напярэдадні Вялікай Перамогі тэма гэта вельмі актуальная. Шмат работы было зроблена: дапрошана амаль 20 000 пацярпелых і сведак, праведзена больш за паўтысячы аглядаў участкаў мясцовасці верагодных месцаў знішчэння і пахавання мірных людзей, устаноўлена больш за 12 тысяч спаленых населеных пунктаў і шмат іншага.
Віталій Станіслававіч адзначыў, што на Дзятлаўшчыне цяпер вядзецца работа ў адносінах трох асобаў, якія прымалі ўдзел у расстрэле мірнага насельніцтва нашага раёна ў гады вайны. Заўважыў, што работа па ўвекавечанні памяці тых страшных падзей будзе прадаўжацца, каб не даць зарадзіцца неафашызму ў Беларусі, як гэта адбываецца апошнім часам у суседніх краінах. Неабходна шанаваць гэту памяць, а не перапісваць гісторыю.
Некалькі чалавек прыйшлі на асабісты прыём да спецыялістаў. Работніца аднаго з прадпрыемстваў горада Дзятлава звярнулася па пытанні аплаты працы. Яшчэ адна дзятлаўчанка цікавілася льготай па вылічэнні падаходнага падатку ў сувязі з аплатай крэдыту на жыллё. Ім былі дадзены падрабязныя тлумачэнні і пытанні вырашаны.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#прием граждан #ФПБ
Восень пафарбавала дрэвы ў жоўты і барвовы колеры, ціха падае лісце, радуюць яркія астры і…
Президент Беларуси Александр Лукашенко подтвердил приверженность интеграции прежде всего на постсоветском пространстве. Соответствующие заявления он…
Немец Франц Райндль избран новым президентом Международной федерации хоккея (IIHF), сообщает БЕЛТА со ссылкой на…
Па добрай традыцыі на Дзятлаўшчыне аднымі з першых прышчапляюцца і падаюць прыклад іншым працоўным калектывам…
Нядаўна аўтапарк раённага Цэнтра па забеспячэнні дзейнасці бюджэтных і іншых арганізацый папоўніўся новым аўтобусам МАЗ…
В рамках мероприятий, посвященных Году белорусской женщины и Дню пожилых людей, областной центр посетил совет…