На кантролі – мак

Насенне маку паспяхова выкарыстоўваюць у кандытарскіх вырабах.

Аднак далёка не ўсе ўяўляюць, якую шкоду здароўю чалавека можа нанесці дадзеная расліна, калі апынецца ў руках зламыснікаў, якія могуць вырабіць з яго наркотык. Небяспечныя такія наркотыкі тым, што залежнасць ад іх узнікае ўжо пасля двух-трох ужыванняў. Людзі дзеля “дозы” здольныя на ўсё, у тым ліку здзейсніць цяжкае і асабліва цяжкае злачынства.

Вырошчваць мак заканадаўствам Рэспублікі Беларусь забаронена. З мэтай знішчэння наркатычнай сыравіннай базы расліннага паходжання, спынення злачыннай дзейнасці, звязанай з незаконным абарачэннем наркотыкаў расліннага паходжання, выяўлення памяшканняў, спецыяльна прыстасаваных для іх вырошчвання, наркалабараторый на тэрыторыі Рэспублікі Беларусь з 1 чэрвеня да 15 верасня 2019 года праводзіцца спецыяльная праграма “Мак”.

У рамках праграмы на тэрыторыі раёна выяўлена 17 фактаў вырастання наркастычнай сыравіннай базы расліннага паходжання, з якіх: дзікарослай расліны мак выяўлена шэсць фактаў, два факты канопляў, алейнага маку – дзевяць фактаў.

Да адміністрацыйнай адказнасці па арт. 16.1 КоАП Рэспублікі Беларусь прыцягнута дзевяць жыхароў Дзятлаўскага раёна. Агульная вага знішчаных пасеваў маку і канопляў склала больш за 287 кілаграмаў.

Калі вы аказаліся сведкай факту збыту або ўжывання наркатычных сродкаў, псіхатропных рэчываў або ведаеце месцы, дзе адбываецца распаўсюджванне наркотыкаў, вам вядома аб кватэрах і іншых месцах, дзе збіраюцца асобы, якія ўжываюць або вырабляюць наркатычныя сродкі, просім паведамляць пра гэта па тэлефоне 102 або ў групу па наркакантролі і супрацьдзеянні гандлю людзьмі крымінальнай міліцыі Дзятлаўскага АУС па тэлефоне 2-15-34.

Канфідэнцыяльнасць гарантуецца.

Валерый БАРОЎСКІ,
старшы оперупаўнаважаны групы па наркакантролі і супрацьдзеянні гандлю людзьмі АУС Дзятлаўскага райвыканкама