З 28 па 30 чэрвеня ва ўрочышчы Рыбакі праходзіць раённы турысцкі злёт, прысвечаны 75-годдзю вызвалення Беларусі ад нямецка-фашысцкіх захопнікаў.
Арганізатарамі сёлетняга мерапрыемства сталі раённы камітэт ГА “БРСМ”, аддзел ідэалагічнай работы, культуры і па справах моладзі райвыканкама, Дзятлаўскі фізкультурна-спартыўны клуб. Cіламі будуць мерацца 9 камандаў.
У якасці ганаровых гасцей на раённы турысцкі злёт былі запрошаны Ігар Кухарэвіч, намеснік старшыні Дзятлаўскага райвыканкама, Наталля Калодка, начальнік аддзела ідэалагічнай работы, культуры і па справах моладзі райвыканкама, Уладзімір Казак, старшыня райкама прафсаюза работнікаў АПК, Ядзвіга Гушча, сакратар раённага савета ветэранаў, Галіна Касцюк, старшыня Дзятлаўскай раённай арганізацыі Беларускага таварыства Чырвонага Крыжа.
Ігар Кухарэвіч павіншаваў прысутных з пачаткам спаборніцтваў, пажадаў пазітыўных эмоцый, цёплага надвор’я, перамогаў і абавязкова знайсці новых сяброў. Таксама да ўдзельнікаў турзлёту звярнулася Ядзвіга Гушча. Яна пажадала ўсім добрага адпачынку, поспеху і лёгкіх стартаў. Галоўны суддзя спаборніцтваў Дзмітрый Ёда звярнуўся да спартыўных камандаў, сказаў, што самае важнае – адчуваць сяброўскае плячо на паласе перашкодаў і з прыемнымі ўражаннямі вярнуцца дадому.
Права ўзняць дзяржаўны сцяг прадаставілі камандзе КСУП “Хвінявічы” – пераможцу мінулагодніх спаборніцтваў. Акрамя таго, па дарозе ў Рыбакі гэтая каманда не абмінула абеліск Славы ў Дзятлаве. Яны ўсклалі да падножжа абеліска кветкі і ўшанавалі памяць загінулых хвілінай маўчання.
Перад камандамі-ўдзельніцамі выступіла ваенная агітбрыгада. Песні ваенных гадоў мілагучна ліліся над Маўчадкаў. У знак памяці абаронцаў Айчыны ў гады вайны спартыўныя каманды запусцілі паветраныя шары. Для ўсіх жадаючых сфатаграфавацца на памяць на пляцоўцы размешчана фотазона, прысвечаная 75-годдзю вызвалення Беларусі ад нямецка-фашысцкіх захопнікаў.
Радуе тое, што ўрочышча Рыбакі стала папулярным месцам адпачынку не толькі для жыхароў раёна. Непадалёку ад нашага лагера размясціўся турыстычны летнік “Грацыя” з горада Ліды, удзельнікі якога таксама прыйшлі на ўрачыстае адкрыццё раённага турзлёту.
Вольга ЮШКЕВІЧ
Президент Беларуси Александр Лукашенко во время рабочей поездки в Брест актуализировал задачи для аграриев на…
Другі год запар ААТ “Дварэц-Агра”, падшэфнае сельгаспрадпрыемства ААТ “Молочный Мир”, трымае пальму першынства на жніве…
КСУП “Хвінявічы” славіцца высокімі паказчыкамі ў жывёлагадоўлі, нязменна знаходзячыся ў лідарах раёна па надоях, прывагах…
Гудуць магутныя машыны, высыпаючы з прычэпаў зярняты. Яны льюцца хуткай плынню, горамі ўзвышаюцца на збожжатаку…
Гродненские пограничники задержали мужчину с беспилотником кустарного производства. Об этом БЕЛТА проинформировали в Госпогранкомитете. Вблизи…
На 30-й внеочередной сессии районного Совета депутатов в должности председателя Слонимского райисполкома утверждён Виталий Шулейко,…