Жыхары Дзятлаўшчыны дзеляцца ўражаннямі

27 чэрвеня пярвічная прафсаюзная арганізацыя сярэдняй школы № 1 горада Дзятлава арганізавала паездку для 14 чалавек на ІІ Еўрапейскія гульні. Уражаннямі падзялілася прафсаюзны лідар установы, удзельніца паездкі Наталля Якабчук:

–  Мы пабылі на канале ў Заслаўі, дзе праходзілі спаборніцтвы па веславанні на байдарках і каноэ. Сказаць, што спадабалася, значыць нічога не сказаць: усе былі ўражаны высокім узроўнем мерапрыемства, атмасферай, якая панавала на канале, работай валанцёраў і, безумоўна, дасягненнямі беларускіх спартсменак.

Нашай групе пашчасціла з месцамі для гледачоў: сядзелі побач з сектарам, дзе знаходзіліся члены Урада, праўда, прэзідэнта не засталі, бо пайшлі, калі скончыўся заплыў. Як даведаліся пазней, Аляксандр Рыгоравіч прыходзіў падзякаваць спартсменам пасля спаборніцтваў і нават пабачыўся з балельшчыкамі.

Затое ў час заплыву, седзячы ў першых радах, мы выдатна бачылі канал, аніматараў, якія вялі праграму і падбадзёрвалі балельшчыкаў, змаглі сватаграфавацца з Лесікам і ад душы пахварэць за сваіх, трымаючы беларускі сцяг і выкрыкваючы словы падтрымкі. Нашу актыўнасць заўважыла тэлебачанне, і не раз камеры накіроўваліся ў наш сектар, тады мы бачылі сябе на вялікім экране, які вісеў насупраць фанзоны для гледачоў.

Нашы намаганні не былі дарэмнымі, магчыма, частка той энергіі, якую ўкладалі ў крыкі “Беларусь, наперад!” дайшла да спартсменак. Беларуска Вольга Худэнка заваявала золата ІІ Еўрагульняў па выніках заплыву. Эмоцыі зашкальвалі, трыбуны лікавалі.

Павагу выклікала і работа валанцёраў: гэта былі маладыя людзі, якія падказвалі гасцям Еўрагульняў дарогу. У кожнага з іх была вялікая пальчатка, яны здароваліся з прахожымі, усміхаліся ім, дарылі добры настрой.

Па дарозе ў Дзятлава мы дзяліліся ўражаннямі і прыйшлі да высновы, што нездарма набылі білеты. Хоць большасць з нашай кампаніі не з’яўляецца аматарамі спорту, аднак усе мы атрымалі такі пазітыў, такі зарад бадзёрасці, што, каб было магчыма паўтарыць той дзень, паўтарылі б абавязкова.

Ірына КАЎКЕЛЬ

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

8 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

8 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

8 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

21 час ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

22 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

22 часа ago