Паміж супрацоўнікамі Дзятлаўскай раённай бібліятэкі і прадстаўнікамі грамадскай арганізацыі “Беларуская нацыянальна-культурная аўтаномія ў Рэспубліцы Комі” адбыўся міжнародны тэлемост
у рамках рускага праекта “Паэзія без межаў”. Ён садзейнічаў развіццю міжнародных сацыякультурных адносінаў паміж рускім і беларускім народамі, абмену вопытам работы па далучэнні карыстальнікаў да паэзіі.
У студзені 2025 года Дзятлаўскі раён адсвяткаваў 85-гадовы юбілей, таму пасля кароткага знаёмства з яго гісторыяй і дасягненнямі перайшлі да галоўнай тэмы абмеркавання – творчасць мясцовых паэтаў і формы работы па зацікаўленасці карыстальнікаў бібліятэкі іх творамі. Дзятлаўчане адзначылі, што работа ў гэтым кірунку заключаецца ў тым, каб творы пісьменнікаў-землякоў не былі забытымі. Гэтаму садзейнічае правядзенне паэтычных вечароў, прэзентацый кніг, юбілейных літаратурных гадзін. Супрацоўнікі раённай бібліятэкі зачыталі вершы Яўгена Мацвеева, Алены Абрамчык, Раісы Лакіза, Алены Малько і іншых, паказалі кнігі з краязнаўчага фонду.
Вершаваную эстафету падхапілі прадстаўнікі грамадскай арганізацыі з расійскага боку: мясцовыя паэткі Святлана Гаварухіна, Надзея Лосева, а таксама народная артыстка Рэспублікі Комі Марыя Чукарава. Яны чыталі вершы на рускай мове і мове комі пра вайну, каханне, прыроду. Паэтка Святлана Гаварухіна паабяцала даслаць у Дзятлаўскую бібліятэку зборнік сваіх вершаў.
У Доме дружбы народаў у горадзе Сыктыўкар для дзятлаўчан прагучалі песні на словы мясцовых аўтараў у выкананні народнага хору “Купалінка” і хору “Эжва катыд”.
Усе ўдзельнікі сустрэчы выказалі ўзаемнае жаданне прадоўжыць прафесійныя стасункі і абмен вопытам.
Вольга БОЙКА,
дырэктар бібліятэкі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
С наступлением поздней осени на первый план выходит риск возникновения пожаров и чрезвычайных ситуаций в…
Пытанне: купляў на рынку куртку і папрасіў выдаць чэк. Прадавец сказаў, што не можа гэта…
Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…
Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…
На территории Дятловского района завершилось специальное профилактическое мероприятие «Дом без пожара», направленное на предупреждение пожаров…
У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…