Дзятлаўскі райЦГЭ – другі ў вобласці

На пачатку лютага былі падведзены вынікі работы цэнтраў гігіены і эпідэміялогіі вобласці ў адпаведнасці з мадэллю ацэнкі дзейнасці органаў і ўстановаў, якія ажыццяўляюць дзяржаўны санітарны нагляд. За дасягнутыя поспехі па забеспячэнні санітарна-эпідэміялагічнага дабрабыту насельніцтва на абслугоўваемай тэрыторыі ў 2024 годзе Дзятлаўскі раённы цэнтр гігіены і эпідэміялогіі заняў другое месца.

– Такая высокая ацэнка работы – гэта заслуга ўсяго калектыву, які заўжды плённа працуе, каб у нашым раёне захоўвалася спакойная эпідэміялагічная абстаноўка, – адзначыла галоўны доктар Дзятлаўскага раённага цэнтра гігіены і эпідэміялогіі Алена Шайбак. – Штодзённая дзейнасць цэнтра – гэта выкананне цэлага шэрагу разнастайных паказчыкаў: своечасовыя прафілактычныя мерапрыемствы, якія садзейнічаюць нераспаўсюджванню інфекцыйных захворванняў, узаемадзеянне з арганізацыямі і прадпрыемствамі па стварэнні належных санітарна-эпідэміялагічных умоваў на працоўных месцах, работа па папулярызацыі сярод насельніцтва здаровага ладу жыцця, прафілактыка неінфекцыйных захворванняў.

Мы і надалей будзем пільна сачыць за арганізацыяй якаснага харчавання, аб’ектамі пітнога водазабеспячэння, падтрыманнем парадку на тэрыторыях прадпрыемстваў, установаў, прапагандаваць у насельніцтва здаровы лад жыцця.

Святлана ГРЫШЫНА

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#нашалепшае #нашелучшее