На Аўгустоўскім канале з ініцыятывы моладзевага крыла Гродзенскай абласной арганізацыі “Беларускі саюз жанчын” прайшла сустрэча “без гальштукаў”, прымеркаваная да Дня моладзі і студэнцтва.
Прыём ад імя старшыні Гродзенскага аблвыканкама Юрыя Караева ў фармаце адкрытага дыялогу правялі намеснік старшыні Гродзенскага аблвыканкама Віктар Пранюк і начальнік галоўнага ўпраўлення ідэалагічнай работы і па справах моладзі аблвыканкама Ігар Булаўка.
З пытаннямі да іх звярталіся моладзевыя лідары – прадстаўнікі розных прафесій, пераможцы конкурсаў, аўтары інавацыйных праектаў, ініцыятары патрыятычных і дабрачынных акцый.
Наш раён прадстаўляла педагог сярэдняй школы № 1 горада Дзятлава імя А. М. Чурылы Марыя Раеўская.
– Сваё пытанне задала Віктару Пранюку, – расказала Марыя Раеўская. – Яно тычылася Года беларускай жанчыны і патрыятычнага выхавання маладога пакалення. Працую настаўніцай, і не сакрэт, што ў Беларусі большасць педагогаў – гэта менавіта прадстаўніцы прыгожай паловы чалавецтва. У Віктара Францавіча пацікавілася, каго з жанчын-лідараў ён лічыць узорам мудрасці і сілы духу, і чаму на такія прыклады варта раўняцца. Адказваючы, намеснік старшыні аблвыканкама ўзгадаў імя Марыі Біруковай, якая стаяла ля вытокаў жаночага руху. Паспяховай жанчынай-кіраўніком назваў генеральнага дырэктара ААТ “Молочный Мир” Марыю Анікееву, прывёў іншыя прозвішчы, падкрэсліўшы, што вылучыць адну надзвычай цяжка, бо сярод сучасніц вельмі шмат паспяховых жанчын-лідараў, якія гарманічна спалучаюць работу на пасадзе кіраўніка, сям’ю, грамадскую дзейнасць.
У цэлым уражанні ад сустрэчы станоўчыя: парадавала цёплая сяброўская атмасфера, якая натхніла на размову без хваляванняў, субяседнікі былі вельмі пазітыўныя, грунтоўна і цікава адказвалі на ўсе пытанні. Не менш запамінальнымі выдаліся катанне па Аўгустоўскім канале на цеплаходзе і цырымонія спуску вянкоў на ваду “Дзявочы вянок міру”, таксама кожная з удзельніц атрымала ад кіраўніцтва аблвыканкама кветкі і памятны падарунак. Лічу, што мерапрыемствы да Дня моладзі і студэнцтва ў падобным фармаце вельмі прыемныя.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
В Беларуси с 2027 года заработает современная цифровая платформа для путешественников "Умный город". Об этом…
Президент Беларуси Александр Лукашенко поздравил работников и ветеранов Министерства промышленности и машиностроительного комплекса с профессиональным…
Штогод 27 верасня ва ўсім свеце адзначаецца Сусветны дзень турызму – свята, якое аб’ядноўвае ўсіх,…
90 гадоў з дня нараджэння адзначыла сёлета наша зямлячка, жыхарка вёскі Буцвілавічы Надзея Гайдук. Творчы…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga #нашелучшее #нашалепшае
На абласных “Дажынках” Ганаровай граматай адміністрацыі Прэзідэнта Рэспублікі Беларусь быў узнагароджаны наш зямляк – трактарыст-машыніст…