Лета-2024

Пабывалі на “марскім дне”

Выхаванцы аздараўленчага летніка з дзённым знаходжаннем “Усмешка” сярэдняй школы № 3 горада Дзятлава пабывалі ў Слонімскім драматычным тэатры на спектаклі “Марская нявеста”. Юныя гледачы з задавальненнем сачылі за прыгодамі галоўных герояў Мікіты і Насці, пазнаёміліся з марской Царэўнай, яе дочкамі Амфітрытай і Федзітай, а таксама з мілым Кіцянём.

“Нам завешчана помніць”

Пад такой назвай у Казлоўшчынскім дзіцячым садзе прайшло мерапрыемства, на якім дзяцей пазнаёмілі з гісторыяй генацыду беларускага народа ў гады Вялікай Айчыннай вайны, расказалі пра лагеры смерці, арганізаваныя на тэрыторыі Беларусі, пра ахвяры і подзвігі нашых продкаў, яны паглядзелі фільм “22 чэрвеня”.

Пра сучасную сувязь і не толькі…

Выхаванцы летніка “Эрудыт+” гімназіі № 1 горада Дзятлава наведалі Белтэлекам. У час экскурсіі навучэнцы даведаліся пра асаблівасці тэлефаніі і работу сучаснага станцыйнага абсталявання, пра тэлефонны камутатар, пазнаёміліся з паслугамі электрасувязі. Больш за ўсё дзяцей зацікавілі “Відэакантроль” і “Разумны дом”.

Да сустрэчы,”Эколаг”!

Юныя эколагі Гезгалаўскай сярэдняй школы завяршылі падарожжа па вызначаным маршруце і з гонарам атрымалі заслужаныя ўзнагароды як сведчанне выкананай місіі па выратаванні зялёнай планеты. Іх стараннямі “Эколаг” расцвіўпрыгожымі кветкамі, якія сталі вынікам іх якаснай і добрасумленнай працы.

Развітваючыся з летнікам і адпраўляючыся па новыя летнія прыгоды, яны ўзялі з сабой  зарад пазітыву і багаж атрыманых ведаў, у надзеі на новую сустрэчу.

Падрыхтавала Таццяна САНЮК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga