23 чэрвеня ў Дзятлаве на стадыёне “Колас” адбыўся матч 9-га тура занальнага этапу чэмпіянату Гродзенскай вобласці па футболе, каманда ФСК “Дзятлава” прымала футбольны клуб “Факел-Навагрудак”.
Увесь першы тайм гаспадары поля трымалі балельшчыкаў у напружанні: гульня ішла пераважна ў нападзенні, але не давала жаданых галоў. На перапынак каманды пайшлі з лікам 0 : 0. Аднак у другім тайме дзятлаўчанам удалося сабрацца і пераламіць ход гульні. Першы наш гол з пенальці забіў Антон Агурцоў, праз 10 хвілін падмацаваўшы яго яшчэ адным прыгожым мячом у вароты сапернікаў. Фінальную кропку матча паставіў Уладзіслаў Пазнякоў.
Гульня завяршылася з лікам 3 : 1 на карысць дзятлаўчан.
– Перамога далася нам няпроста і стала надзвычай важнай для далейшага лёсу ФСК “Дзятлава” ў чэмпіянаце вобласці, – расказаў трэнер каманды Уладзімір Ганчар. – На цяперашні момант мы займаем 2-3 радкі турнірнай табліцы ў сваёй групе разам з Навагрудкам і па-ранейшаму маем шанцы на пападанне ў плэй-оф.
Наступны тур чэмпіянату Гродзенскай вобласці па футболе нашы футбалісты правядуць 6 ліпеня ў Дзятлаве, дзе сустрэнуцца з ФК “Ліда-2”. Чакаем магутны рэванш!
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Первый миллион тонн сахарной свеклы накопали хозяйства Беларуси, сообщает БЕЛТА со ссылкой на Министерство сельского…
12 сентября в 13-50 на линию «101» поступило сообщение о том, что в городе Дятлово…
У чат-бот газеты “Перамога” паступіла паведамленне наступнага зместу: “Хацелася б атрымаць адказ на такое пытанне.…
У рамках Тыдня дадатковай адукацыі ў Дзятлаўскім раёне ў цэнтры карэкцыйна-развіваючага навучання і рэабілітацыі прайшоў…
Пытанне: ці любому можна запускаць беспілотныя лятальныя апараты? Адказвае ўчастковы інспектар міліцыі Дзяніс Барук: –…
Сёлета 15 гадоў з дня ўтварэння адзначае Следчы камітэт Рэспублікі Беларусь. Гэта маладое ведамства, але…