Выехаўшы на чарговае рэдакцыйнае заданне, былі прыемна здзіўлены: значны ўчастак дарогі ў кірунку на Агароднікі стаў роўным і гладкім, на сонцы паблісквае новы асфальт, у паветры яшчэ лунае лёгкі пах цёплай смалы, а наша машына бяжыць, здаецца, зусім бясшумна.
У хуткім часе за вокнамі “праплыла” і дарожна-будаўнічая тэхніка.
Вяртаючыся назад, не маглі не спыніцца на скрыжаванні ў вёсцы Апаліна-Басіна, дзе на ўкладцы новага пакрыцця шчыравалі дарожнікі, тым больш што якраз тут заспелі галоўнага інжынера ДРБУ-119 Аляксея Гірыка.
На пытанне, ці можна кароценькі каментарый наконт працэсу, які тут адбываецца, Аляксей Іосіфавіч добразычліва адзначыў:
– Калі кароценькі, то можна, – і патлумачыў, – вы трапілі літаральна на апошнюю фазу работ, якія вось-вось будуць завершаны. Бягучы рамонт асфальтабетоннага пакрыцця ўчастка аўтадарогі Н-6083 Дзятлава – Разважжа – Хвінявічы км 1,8 – км 3,4 мы ажыццяўляем ужо некалькі дзён запар. Да яго прыступілі ў мінулую сераду 12 ліпеня, цяпер заканчваем усё, што было запланавана. Сёння мяркуем “зрабіць апошнія штрыхі”, а затым людзі і тэхніка адправяцца на іншыя заданні, засталося толькі зрабіць з’езд на Апаліна-Басіна.
На гэтай жа дарозе ў жніўні будзем ажыццяўляць рамонт асфальтабетоннага пакрыцця на ўчастку км 00 – км 1,8: гэта бліжэй да дарогі на Слонім і адміністрацыйнага будынка нашага ДРБУ-119.
Варта адзначыць, што пакрыццё ў гэтых месцах ужо даволі зношанае, усё ў “латках-заплатках”, таму і ўзнікла патрэба ў бягучым рамонце. Падобная праграма вядзецца цяпер і па ўсёй нашай рэспубліцы, таму дарогі становяцца больш камфортнымі.
Тут на работах задзейнічаны асфальтаўкладчык, а на ўшчыльненні пакрыцця – 3 каткі, на падвозцы асфальтабетоннай сумесі з Наваельні – 2 дваццацітонныя самазвалы, яшчэ ёсць трактар-шчотка і трактар для падвозкі вады. Усяго шчыруюць 5 механізатараў і 3 асфальтабетоншчыкі пад кіраўніцтвам майстра Андрэя Шастака, які кантралюе арганізацыю і ход рамонтных работ.
Што ж, нам застаецца пажадаць дарожнікам спорнай работы і спрыяльнага надвор’я і падзякаваць за працу, бо заўсёды прыемна падарожнічаць, калі ўсё гладка.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У раённым выканаўчым камітэце прайшло пасяджэнне па пытаннях падрыхтоўкі да асенне-зімовага перыяду. На ім выступілі…
Нарэшце ў Беларусь прыйшла тая самая абяцаная сіноптыкамі спёка. Ужо на гэтым тыдні слупок тэрмометра…
На Аўгустоўскім канале з ініцыятывы моладзевага крыла Гродзенскай абласной арганізацыі “Беларускі саюз жанчын” прайшла сустрэча…
У рамках дзейнасці грамадска-палітычнага цэнтра раённага аддзялення Гродзенскай вобласці Беларускай партыі “Белая Русь” пад кіраўніцтвам…
Галоўныя прынцыпы стварэння і забеспячэння здаровых і бяспечных штодзённых умоваў працы, у тым ліку пры…
Члены Савета Рэспублікі Нацыянальнага сходу Рэспублікі Беларусь Павел Ашурык і Алена Стальбоўская прынялі ўдзел ва…