У рамках праекта “Глыбінкай жыве Беларусь”, прымеркаванага да 75-годдзя Гродзенскай вобласці і Года малой радзімы, сектар пазастацыянарнага абслугоўвання насельніцтва Дзятлаўскага раённага цэнтра культуры і народнай творчасці праводзіць культурна-пазнавальную экспедыцыю пад назвай “Па сакрэты даўгалецця”.
Наш шлях — у вёску Белякі. Тут жыве Іван Карпавіч Сарачынскі. Размяняў ён дзясяты дзясятак гадоў, але такі ж рухавы, гаваркі, гаспадарлівы, як і 20-30 гадоў таму. Ні ў якім разе не “адпавядае” ён сваім 91!
Як удаецца яму быць рухавым? Верагодна, тут дапамагае скандынаўская і проста хадзьба. Іван Карпавіч штодзень стараецца прайсці 4 кіламетры. Такую параду знайшоў у газеце “Народны доктар” і прытрымліваецца ўжо 3 гады. Гэтым ён заняты зранку. Потым сняданак. Вельмі любіць доўгажыхар бліны. Навучыўся пячы сам і, кажа, нават сваіх дзяўчат-дачок навучыў пячы бліны смачныя. Потым – розныя клопаты. Вясной і ўлетку трэба і агарод дагледзець, і вакол хаты абкошваць. Цяпер, зразумела, клапатаў мала. Больш часу на тэлевізар, паход да аўталаўкі, навіны па транзістару і ў газеце, тэлефанаванні. Умее дбайны гаспадар і абед прыгатаваць, і ў хаце – чысціня, парадак. Можа і стараецца рабіць усё сам.
Іван Карпавіч ужо 13 гадоў, як удавец. Жыве адзін, але да дачок, а іх тры, з’язджаць не хоча.
Як прыйшоў з арміі ў 1954-ым, так і жыве ў Беляках. Тут жаніўся на мясцовай дзяўчыне Надзеі, тут нарадзіліся і выраслі тры яго дачкі. Цяпер мае 5 унукаў і 7 праўнукаў.
Усё працоўнае жыццё звязана з калгасам “Новае жыццё”. Быў трактарыстам, 13 сезонаў – на камбайне. Пра тое, што працаваў старанна, сведчаць шматлікія ўзнагароды, сярод якіх ордэн “Знак пашаны”. А вось сам ветэран працы сваёй самай значнай узнагародай лічыць знак “Выдатнік сацыялістычнай сельскай гаспадаркі Беларускай ССР”. Гэта — прызнанне яго заслуг, як умелага сейбіта. Толькі адзін раз давялося яму папрацаваць на сяўбе зерневых, а надалей давяралі пасадку бульбы, сяўбу буракоў, кукурузы менавіта Сарачынскаму. Ведалі, што зробіць, як трэба.
Быць працавітымі, не гультайнічаць доўгажыхар з Белякоў раіць і маладому пакаленню.
Іна ЯЎСЕЙЧЫК
Два гады дзятлаўчане з нецярпеннем чакалі адзін з самых пяшчотных, вытанчаных і грацыёзных конкурсаў, які…
Пытанне: якія меры асабістай бяспекі на чыгунцы неабходна выконваць, каб засцерагчы сваё жыццё і маёмасць?…
Весела і ўрачыста з песнямі ад мінскай групы “Добрыя людзі”, шчырымі пажаданнямі і заслужанымі ўзнагародамі…
До начала учебного года осталось совсем немного времени, а значит, сейчас самое время подготовиться к…
Президенты Беларуси и Мьянмы во время состоявшейся 20 августа неформальной встречи обсудили все направления сотрудничества.…
21 жніўня ў Гродне прайшла традыцыйная штогадовая жнівеньская педагагічная нарада, якая сабрала разам кіруючых работнікаў…