Інфармацыя аб прадпрыемствах і віктарына

У Беларусі сакавік аб’яўлены месяцам прамысловага турызму.

Прадпрыемствы рэспублікі прымаюць у ім самы актыўны ўдзел: праходзяць дні адчыненых дзвярэй, вытворчыя экскурсіі, выставы дасягненняў і новых тэхналогій.

Цікава было даведацца, чым будзе адметны месяц прамысловага турызму на Дзятлаўшчыне.

Вольга Жэлезоўская, намеснік старшыні райвыканкама:

– Сёння стаіць задача па развіцці прамысловага турызму на тэрыторыі раёна, ідэяў і задумак для гэтага шмат. На жаль, пакуль з-за патрабаванняў тэхнікі бяспекі экскурсіі не ладзяцца, аднак пытанне гэта вырашаецца з ААТ “Дварэцкі льнозавод” і ўчасткам ААТ “Дзятлаўскі лікёра-гарэлачны завод “Алгонь” – Парэцкім спіртзаводам. Рыхтуецца пісьмо на вышэйстаячае кіраўніцтва льнозавода для стварэння віртуальнай экскурсіі. Нам ёсць што паказаць, і гэта цікава не толькі дзецям, але і дарослым, нездарма прамысловы турызм адзін з самых прывабных. Ідэй шмат, цяпер мяркуем, як увасобіць іх у жыццё.

Вераніка Паўлоўская, дырэктар раённага турыстычнага інфармацыйнага цэнтра:

– Паколькі наш цэнтр выконвае каардынуючую функцыю, з’яўляецца сувязным звяном паміж турыстамі і аказальнікамі турыстычных паслуг, то на сваіх інтэрнэт-рэсурсах на пачатку сакавіка будзем папулярызаваць найбольш вядомыя прадпрыемствы Беларусі. Другую палову месяца прысвяцім нашым падпісчыкам, з якімі арганізуем віктарыну. Праверым, наколькі ўважліва людзі чытаюць інфармацыю ў нашых сацыяльных сетках, колькі новага даведаліся. Падпісчыкам такі фармат падабаецца. А калі хтосьці зацікавіцца наведваннем таго ці іншага прадпрыемства нашай краіны, дзе арганізавана экскурсійная дзейнасць, мы зможам аказаць кансультацыйныя паслугі, як лепш гэта зрабіць, дапаможам з кантактамі.

Напрыканцы месяца, калі ў школьнікаў пачнуцца канікулы, у Дзятлаўскім гісторыка-краязнаўчым музеі будзе дэманстравацца выстава “Прамысловасць Дзятлаўшчыны: гісторыя і сучаснасць”.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#туризм #Дятловщина

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

5 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

6 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

6 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

19 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

19 часов ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

20 часов ago