Асноўны закон дзяржавы: правы, абарона і гарантыі

Напярэдадні Дня Канстытуцыі Рэспублікі Беларусь у Дзятлаўскай раённай бібліятэцы ладзілася дыялогавая пляцоўка, прымеркаваная да гэтага дзяржаўнага свята. У чытальнай зале сабраліся дзятлаўчане, якія цікавяцца мінулым сваёй краіны і актыўна ўдзельнічаюць у яе развіцці сёння.

– Усе мы з’яўляемся грамадзянамі Рэспублікі Беларусь, – пачалі сустрэчу вядучыя. – Гэта ганаровае званне дае нам пэўныя правы і абавязкі, якія зафіксаваны ў Канстытуцыі. На сучасным этапе развіцця яна гарант дэмакратыі, незалежнасці нашай краіны. У Канстытуцыі вызначана ўстройства нашай дзяржавы, абвешчана, што вышэйшая яе каштоўнасць – чалавек, пералічаны асноўныя правы і абавязкі грамадзяніна, што можна рабіць, а чаго нельга. Напрыклад, кожны мае права на жыццё, ахову здароўя, адукацыю.

Асобны раздзел Канстытуцыі прысвечаны Прэзідэнту Рэспублікі Беларусь, які з’яўляецца кіраўніком дзяржавы, гарантам Канстытуцыі, правоў і свабод чалавека і грамадзяніна.

Удзельнікі сустрэчы падзяліліся сваімі думкамі і разважаннямі аб неабходнасці і важнасці дакумента як у нашай краіне, так і ўвогуле ў свеце.

– Канстытуцыя – асноўны закон краіны, няма яе – няма дзяржавы, –адзначыла памочнік пракурора Дзятлаўскага раёна Ірына Забеліна. – Ствараюцца новыя дзяржавы, і пакуль не запісана, хто імі кіруе, якая ў іх мэта, рэлігія, грамадства, дагэтуль яшчэ няма дзяржавы. Гэты дакумент – сапраўды гарант законнасці.

Уключылася ў размову і першы сакратар раённай арганізацыі ГА “БРСМ” Кацярына Хілімончык. Яна акцэнтавала ўвагу на тым, што ў абноўленай два гады таму рэдакцыі Канстытуцыі артыкул 32 прысвечаны моладзі. Тут сказана, што дзяржава стварае ўсе неабходныя ўмовы для духоўнага, маральнага, фізічнага, інтэлектуальнага развіцця моладзі. Але ў сваю чаргу дзяржава чакае, што маладое пакаленне будзе ўносіць дастойны ўклад у развіццё нашай краіны.

– У нас сапраўды мэтанакіраваная, таленавітая моладзь, і ў рамках акцыі “Я – грамадзянін Рэспублікі Беларусь”, якая стартавала 10 сакавіка, тром нашым навучэнцам будуць уручаны іх першыя дакументы. У Доме Ураду пашпарт атрымае навучэнка сярэдняй школы № 1 горада Дзятлава імя А. М. Чурылы Вікторыя Шупа, у Міністэрстве адукацыі – навучэнка сярэдняй школы № 3 горада Дзятлава Ангеліна Ламака, у Гродне – навучэнка Новаяльнянскай сярэдняй школы імя А. А. Шаўчук Аляксандра Міклаш.

Напрыканцы мерапрыемства ўсе госці актыўна ўключыліся ў віктарыну “Дзень Канстытуцыі”.

Святлана ГРЫШЫНА

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#Дятловщина #нашалепшае #нашелучшее

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

7 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

7 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

7 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

20 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

21 час ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

21 час ago