З 3 па 7 чэрвеня ў выставачным цэнтры BELEXPO ў Мінску праходзіць Беларускі аграпрамысловы тыдзень, у рамках якога працуе 35-я Міжнародная спецыялізаваная выстава “Белагра-2025”, а таксама выставы “Белферма”, “Белпрадукт” і “Прадмаш. Холад. Упак”.
Ва ўрачыстых мерапрыемствах з нагоды адкрыцця выставы прыняў удзел член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў Андрэй Жамойда.
– Беларусь – краіна, у якой асабліва цэніцца сельскагаспадарчая праца, і выстава “Белагра-2025” – адна з галоўных падзей года ў гэтай сферы, – адзначыў Андрэй Жамойда ў час адкрыцця. – З кожным годам расце колькасць удзельнікаў мерапрыемства: сёлета на ўзроўні афіцыйных дэлегацый прадстаўлены звыш 20 краін, сярод іх такія тытаны, як Кітай і Пакістан, 18 рэгіёнаў Расійскай Федэрацыі, у тым ліку сельскагаспадарчыя. Міжнародная выстава – не толькі магчымасць прадэманстраваць магутны сельскагаспадарчы патэнцыял нашай краіны ў розных яе галінах – ад раслінаводства да машынабудавання, абмяняцца вопытам з калегамі, але і перспектыўная пляцоўка для міжнароднага супрацоўніцтва. Я перакананы, што сустрэчы ў рамках юбілейнай выставы “Белагра-2025” прынясуць нам новыя магчымасці і дамоўленасці.
Наталля АВЯРЧУК
Фота Андрэя ЖАМОЙДЫ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
