Актуальны каментарый. Алена Круглова: “Мы ў саставе вялікага адукацыйнага саюза”

Дырэктар Новаяльнянскай сярэдняй школы імя А. А. Шаўчук Алена Круглова вярнулася з горада Санкт-Пецярбурга, дзе праходзіла сустрэча ў рамках Асацыяцыі школ Расійскай Федэрацыі і Рэспублікі Беларусь.

Яна падзялілася ўражаннямі ад паездкі і стасункаў з калегамі з саюзнага адукацыйнага аб’яднання:  

– З 22 па 24 кастрычніка мне пашчасціла прадстаўляць нашу ўстанову на значнай падзеі – форуме прадстаўнікоў адукацыйных арганізацый-членаў Асацыяцыі школ Расійскай Федэрацыі і Рэспублікі Беларусь. Мерапрыемства, якое прайшло на пляцоўцы Санкт-Пецярбургскага дзяржаўнага ўніверсітэта, аб’яднала больш за 150 кіраўнікоў і педагогаў з 18 рэгіёнаў Расіі і сямі рэгіёнаў Беларусі. Шэсць дырэктараў установаў адукацыі Гродзенскай вобласці прымалі ўдзел у рабоце форуму.

Для нашай установы гэта падзея асаблівая. Сёння асацыяцыя, якая адзначае сваё пяцігоддзе, аб’ядноўвае 950 адукацыйных арганізацый і больш за 720 тысяч навучэнцаў. Мне вельмі прыемна ўсведамляць, што наша Новаяльнянская сярэдняя школа імя А. А. Шаўчук уваходзіць у гэты магутны адукацыйны саюз.

Праграма форуму была насычанай. У першы дзень мы працавалі на подыумных дыскусіях, дзе абмяркоўвалі інавацыі, кіраўнічыя практыкі і, безумоўна, пытанні захавання гістарычнай памяці. Прыемна было чуць словы вітання ад міністра асветы Расійскай Федэрацыі Сяргея Краўцова і міністра адукацыі Рэспублікі Беларусь Андрэя Іванца, якія падкрэслілі важнасць фарміравання адзінай адукацыйнай прасторы Саюзнай дзяржавы.

Асабліва кранальны момант – ускладанне кветак на Піскароўскіх мемарыяльных могілках. Для педагогаў нашых дзвюх краін – гэта не проста даніна павагі загінулым героям, а наш агульны абавязак і разуменне таго, наколькі важна сёння перадаваць маладому пакаленню праўду аб Вялікай Айчыннай вайне.

Галоўным дзелавым вынікам для Новаяльнянскай сярэдняй школы імя А. А. Шаўчук стала падпісанне пагаднення аб супрацоўніцтве з сярэдняй агульнаадукацыйнай школай “Наватар” горада Краснадара. На форуме такія пагадненні падпісалі сямнаццаць пар школ. Гэта не проста афіцыйныя паперы – за імі стаяць канкрэтныя сумесныя праекты, прафесійныя абмены і новыя магчымасці для нашых навучэнцаў і настаўнікаў.

Акрамя таго, для мяне стала вялікім гонарам атрымаць падзячны ліст ад міністра асветы Расійскай Федэрацыі Сяргея Краўцова за развіццё адукацыйнай прасторы Саюзнай дзяржавы, патрыятычнае выхаванне падрастаючага пакалення і актыўны ўдзел у дзейнасці Асацыяцыі школ Расійскай Федэрацыі і Рэспублікі Беларусь. Гэта ўзнагарода – заслуга ўсяго нашага педагагічнага калектыву, усіх навучэнцаў, якія прымаюць актыўны ўдзел у мерапрыемствах асацыяцыі.

За гэтыя дні мы пабывалі ў пецярбургскіх школах – гімназіі № 32, ліцэі № 329, школе № 72. Убачылі, як арганізавана адукацыйная прастора калег, абмяняліся вопытам, а вячэрняя экскурсія па Юсупаўскім палацы і прагулкі па набярэжнай Нявы нагадалі, наколькі важныя такія жывыя сустрэчы, дзе пануе шчырасць слоў, позіркаў, усмешак.

Вяртаючыся дамоў, я думала пра тое, што падобныя падзеі пераконваюць у важнасці сумеснай работы. Наперадзе ў нашай і краснадарскай школы “Наватар” шмат цікавай работы. Упэўнена: агульная адукацыйная прастора пачынаецца з асабістага знаёмства і шчырага жадання разам будаваць будучыню для нашых дзяцей.

Ірына СТЫРНІК
Фота Алены КРУГЛОВАЙ

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga  

#нашелучшее #нашалепшае

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

7 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

8 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

8 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

21 час ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

21 час ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

22 часа ago