Электрычны ток асабліва небяспечны для дзяцей і падлеткаў, якія больш адчувальныя да яго ўздзеяння.
Ступень паражэння залежыць ад навакольнага асяроддзя, найбольшую небяспеку ток уяўляе на вуліцы, у ванных пакоях, падвалах, гаражах.
Каб пазбегнуць няшчасных выпадкаў ад электрычнага току, неабходна памятаць і выконваць правілы электрабяспекі:
– не набліжайцеся да абарваных правадоў, якія ляжаць на зямлі, плоце ці іншых будынках;
– не вядзіце будаўніча-мантажныя работы, пасадку і высяканне дрэваў, не рабіце звалкі, стаянкі машын і механізмаў у ахоўных зонах паветраных ліній электраперадачы;
– не пранікайце на тэрыторыі і ў памяшканні электрасеткавых збудаванняў, сілавыя шчыты;
– не накідвайце на правады паветраных ліній электраперадачы староннія прадметы, не падымайцеся на апоры і не запускайце паблізу паветраных змеяў, мадэлі лятальных апаратаў;
– давярайце спецыялістам мантаж і рамонт электраправодкі ў доме, кватэры;
– не карыстайцеся самаробнымі падаўжальнікамі, электранагравальнымі прыборамі, тэхнікай;
– не запаўняйце вадой з водаправоднага крана ўключаныя ў сетку чайнікі, кафейнікі;
– не карыстайцеся ў душавых і ванных пакоях бытавымі электрапрыборамі;
– не карыстайцеся ўключанымі ў сетку 220 В пераноснымі лямпамі і бытавымі электрапрыборамі ў садах, агародах, падвалах, гаражах, сырых памяшканнях;
– не ачышчайце ад забруджвання і пылу асвятляльную арматуру і электралямпы пры ўключаным выключальніку.
Пры вызваленні чалавека ад дзеяння электрычнага току найперш трэба адключыць напружанне. Пры немагчымасці зрабіць гэта выкарыстоўвайце электраахоўныя сродкі: дыэлектрычныя пальчаткі, боты, галёшы, а пры іх адсутнасці – часткі сухога адзення, сухія палкі, дошкі.
Пры паражэнні чалавека электрычным токам неабходна аказаць пацярпеламу першую дапамогу і тэрмінова выклікаць доктара.
Андрэй ГОМАН,
намеснік галоўнага інжынера Дзятлаўскага РЭС
Вячаслаў ПЯТРАШ,
інспектар раённай газэнергаінспекцыі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
