Тыдзень лесу — 2019

 У гэтым годзе акцыя «Тыдзень лесу-2019» была прымеркавана да года малой радзімы і прысвечана 75-годдзю вызвалення Беларусі ад нямецка-фашысцкіх захопнікаў.

Тыдзень лесу аб’яднаў ўсіх неабыякавых да роднай прыроды людзей, патрыётаў сваёй краіны, якія разумеюць, што, толькі паважаючы мінулае і захоўваючы цяперашняе, мы зможам упэўнена глядзець у будучыню.

Моладзь пастаянна актыўная ў пошуку прымянення сваіх ведаў, сіл, энергіі. У нас ёсць гэтая патрэба — быць карыснымі і запатрабаванымі.

На працягу тыдня навучэнцы сярэдняй школы № 1 горада Дзятлава прымалі акыўны ўдзел у акцыях “Зберажы дрэва – здай макулатуру,”, “Чыстата – залог здароўя”, у працоўным дэсанце “Падарым прыродзе чысціню і парадак”. Навучэнцы пачатковых класаў удзельнічалі ў аперацыі “Малым рэкам – наш клопат”.

У шосты школьны дзень дзеці 8-9 класаў прынялі ўдзел у акцыі “Ачысцім планету ад смецця”. Лес захламляецца бытавымі адходамі, якія трэба прыбраць і утылізаваць. Сумесная справа падняла ўсім настрой. Хандра і сум адступілі, на тварах з’явіліся ўсмешкі. Пасля работы вучні былі ўзнагароджаны прызамі ад Дзятлаўскага лясгаса.

Інга ПАЎЛЮЧЫК,
навучэнка 10 “Б” класа сярэдняй школы №1 горада Дзятлава