Дзятлаўская раённая дзяржаўная інспекцыя па насенняводстве, каранціне і абароне раслін нагадвае аб няўхільным захаванні Закона Рэспублікі Беларусь “Аб селекцыі і насенняводстве сельскагаспадарчых раслін” ад 7 мая 2021 г. № 102-З.
Пры рэалізацыі насення сельскагаспадарчых раслін:
* вырабленага ў Рэспубліцы Беларусь, а таксама ўвезенага ў рэспубліку з тэрыторыі дзяржавы, якая не з’яўляецца членам Еўразійскага эканамічнага саюза (ЕЭС), звесткі аб гатунковых і пасяўных якасцях гэтага насення пацвярджаюцца дакументамі, выдадзенымі ў адпаведнасці з заканадаўствам Рэспублікі Беларусь;
*увезенага ў Рэспубліку Беларусь з тэрыторыі дзяржавы – члена ЕЭС, звесткі аб гатунковых і пасяўных якасцях гэтага насення пацвярджаюцца дакументамі, выдадзенымі дзяржавай – членам ЕЭС, па пераліку, зацверджаным Еўразійскай эканамічнай камісіяй. У выпадку частковай рэалізацыі партыі насення сельскагаспадарчых раслін, увезеных у Рэспубліку Беларусь з тэрыторыі дзяржавы – члена ЕЭС, яго набытчыку асобай, якая ажыццяўляе рэалізацыю насення ў Рэспубліцы Беларусь, выдаюцца завераныя копіі дакументаў, выдадзеных дзяржавай – членам ЕЭС.
Забараняюцца, калі іншае не прадугледжана гэтым законам, вытворчасць, выкарыстанне, рэалізацыя насення сельскагаспадарчых раслін, гатунковыя і пасяўныя якасці якіх не пацверджаны дакументамі, а таксама належаць да сартоў, не ўключаных у дзяржаўны рэестр.
Звяртаем увагу, што пры рэалізацыі насеннага і пасадачнага матэрыялу сельскагаспадарчых раслін, у тым ліку ўвезеных у Рэспубліку Беларусь і правераных на адпаведнасць пасяўным патрабаванням, дакументам, які пацвярджае іх гатунковыя і пасяўныя якасці, з’яўляецца пасведчанне на насенне сельскагаспадарчых раслін, якое афармляецца асобай, якая ажыццяўляе яго рэалізацыю. Пры гэтым у пасведчанні ўказваецца як адпраўнік, так і набытчык насення.
У адпаведнасці з часткай другой пункта 11 Палажэння аб парадку дапрацоўкі, захоўвання, рэалізацыі, транспарціроўкі, упакоўкі, маркіроўкі насення сельскагаспадарчых раслін, зацверджанага пастановай Міністэрства сельскай гаспадаркі і харчавання Рэспублікі Беларусь ад 29 чэрвеня 2021 г. № 48, перад рэалізацыяй насення на экспарт пастаўшчык абавязаны прад’явіць пасведчанне ў Галоўную дзяржаўную інспекцыю па насенняводстве, каранціне і абароне раслін або ў яе тэрытарыяльныя арганізацыі.
У адпаведнасці з часткай другой пункта 12 таго ж палажэння рэалізацыя насення асобамі, якія не з’яўляюцца суб’ектамі насенняводства, а таксама насення, вырабленага фізічнымі асобамі з мэтай атрымання прыбытку, забараняецца.
Згодна з пунктам 13 рэалізацыя арыгінальнага і элітнага насення сельскагаспадарчых раслін асобамі, якія не з’яўляюцца іх вытворцамі, дапускаецца пры суправаджэнні іх дакументамі, якія пацвярджаюць іх гатунковыя і пасяўныя якасці, выдадзенымі вытворцамі насення, уключанымі ў дзяржаўны рэестр, пры ўмове захавання цэласнасці ўпакоўкі і маркіроўкі.
Кацярына ЖАМАЙТУК,
начальнік Дзятлаўскай раённай інспекцыі па насенняводстве, каранціне і абароне раслін
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
