У сярэдняй школе № 3 горада Дзятлава былі праведзены класныя і інфармацыйныя гадзіны, прымеркаваныя да святкавання Дня Канстытуцыі.
Навучэнцы прынялі ўдзел у ток-шоу “Будучыня Беларусі – гэта мы”. У ходзе мерапрыемства яны мелі магчымасць задаць пытанні запрошаным гасцям: Таццяне Сямёнаўне Нікіпорчык, дырэктару дзяржаўнай установы “Цэнтр сацыяльнага абслугоўвання насельніцтва Дзятлаўскага раёна”, Кацярыне Уладзіміраўне Хілімончык, першаму сакратару райкама ГА “БРСМ”. Школьнікі даведаліся, як дзяржава падтрымлівае моладзь, як абараняе іх правы. У ходзе адкрытага дыялога ўнеслі свае прапановы па супрацоўніцтве з дзіцячымі арганізацыямі, у прыватнасці БРСМ.
Тэмай абмеркавання ў класных калектывах стала Канстытуцыя як прававая апора пераемнасці і развіцця беларускай дзяржавы. У рамках круглага стала дзеці дэталёва абмеркавалі актуальныя пытанні канстытуцыйнага ладу, пазнаёміліся з дзяржаўнымі сімваламі, зместам раздзелаў і артыкулаў Канстытуцыі, правамі грамадзян, а таксама з гісторыяй узнікнення і развіцця пашпартнай сістэмы ў Рэспубліцы Беларусь. Навучэнцам, якім споўнілася 14 гадоў, былі ўручаны кнігі “Я – грамадзянін Рэспублікі Беларусь”.
Марыя ШАВЕЛЬ,
намеснік дырэктара па выхаваўчай рабоце,
Святлана УРБАН,
настаўніца беларускай мовы і літаратуры сярэдняй школы № 3 г. Дзятлава
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
