Пытанне: ці праўда, што за “лайк” або “перапост” у сацыяльных сетках чакае адказнасць па законе?
Адказвае старшы ўчастковы інспектар АУС райвыканкама Андрэй Вінцукевіч:
– Так, калі размова ідзе пра экстрэмісцкія матэрыялы. Калі вы думаеце, што, парушаючы закон, застанецеся незаўважанымі – памыляецеся: праваахоўнікі паспяхова праводзяць дэананімізацыю адміністратараў і найбольш актыўных падпісчыкаў экстрэмісцкіх тэлеграм-каналаў і чатаў. Дакументуюцца ўсе паведамленні ў мэсанджарах і сацсетках, якія падахвочваюць да экстрэмісцкай дзейнасці, і іншыя дзеянні карыстальнікаў па стварэнні пратэстнай актыўнасці.
Удзел у групах і чатах, прызнаных экстрэмісцкімі, ажыццяўленне ў іх любой дзейнасці: каментарыі, паведамленні, перасылка файлаў іншым удзельнікам груп – гэта адміністрацыйнае правапарушэнне таксама, як і прастаўленне на іх “лайкаў”, здзяйсненне рэпосту і нават проста захоўванне файлаў, прызнаных экстрэмісцкімі, на прыладзе (мабільным тэлефоне, планшэце, камп’ютары).
За гэта парушальнікаў закона чакае штраф ад 10 да 500 базавых велічыняў або нават адміністрацыйны арышт 15 сутак з канфіскацыяй сродкаў здзяйснення правапарушэння.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga