Сустрэчы з працоўнымі калектывамі і насельніцтвам прадаўжаюць кіраўніцтва Дзятлаўскага раёна і дэпутацкі корпус.
Дзятлаўчанам расказваюць аб асаблівасцях электаральнай кампаніі 2024 года і сёлетніх выніках сацыяльна-эканамічнага развіцця.
З калектывам Круцілавіцкай сярэдняй школы сустрэліся старшыня раённага Савета дэпутатаў Аляксандр Бараноўскі і часова выконваючы абавязкі старшыні Данілавіцкага сельвыканкама Ігар Кухарэвіч.
– Мы набліжаемся да значнай палітычнай падзеі 2024 года – выбараў у парламент і мясцовыя Саветы дэпутатаў, – падкрэсліў Аляксандр Бараноўскі. – На днях пачалося вылучэнне кандыдатаў. Гэты этап электаральнай кампаніі прадоўжыцца да 15 студзеня, пасля чаго мы даведаемся імёны тых, хто прэтэндуе на дэпутацкія мандаты. Усяго трэба будзе абраць 110 дэпутатаў Палаты прадстаўнікоў і больш за 12,5 тысячы дэпутатаў мясцовых Саветаў. Выбары пройдуць у адзіны дзень – 25 лютага. З 20 па 24 лютага выбаршчыкі, якія не маюць магчымасці ў дзень галасавання прыйсці на ўчастак, змогуць рэалізаваць сваё выбарчае права датэрмінова. У гэтыя дні ўчасткі будуць працаваць з 12 да 19 гадзін без перапынкаў.
Спыніўся Аляксандр Станіслававіч і на іншых важных момантах электаральнай кампаніі, а таксама азнаёміў прысутных з вынікамі сацыяльна-эканамічнага развіцця Дзятлаўшчыны.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
