Для навучэнцаў установаў адукацыі раёна было праведзена чарговае мерапрыемства інфармацыйна-адукацыйнага праекта “ШАГ” па тэме “Радзіма мая Беларусь у асобах.
Сям’я – пачатак усіх пачаткаў”. Размова ішла аб ролі бацькоў у стварэнні умоваў для рознабаковага развіцця дзяцей, значэнні сям’і і сямейнага выхавання.
На першым этапе з дапамогай інтэрактыўнай віктарыны “Мы даведаемся” навучэнцы актуалізавалі веды аб ролі сям’і ў жыцці чалавека, грамадства, дзяржавы. Другі этап прайшоў у форме “100 пытанняў даросламу”, дзе на пытанні школьнікаў адказвала начальнік аддзела адукацыі райвыканкама Марына Лашкоўская. Гаварылі пра сямейныя каштоўнасці, традыцыі, пра маральныя асновы сям’і і яе ролю ў фарміраванні гарманічнай асобы.
Прыйшлі да высновы, што толькі тады фарміруюцца правільныя адносіны да жыцця, калі чалавек упэўнены, што яго любяць, зразумеюць і прымуць, ён знаходзіцца пад абаронай. Функцыя сям’і – навучыць любіць, разумець і дараваць.
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
