Старшыня Новаяльнянскага сельвыканкама, дэпутат Новаяльнянскага сельскага Савета дэпутатаў 28 склікання Людміла Радзевіч расказала, што жадае даведацца са штогадовага Паслання Прэзідэнта, якое прызначанага на 31 сакавіка:
– Думаю, галоўнымі ў Пасланні Прэзідэнта ў першую чаргу будуць агучаны пытанні захавання міру, гарантыі яго забеспячэння, не толькі аб тэрытарыяльнай цэласнасці і суверэнітэце нашай краіны, але і аб інфармацыйнай, эканамічнай, энергетычнай і харчовай бяспецы.
Як дэпутата і жыхарку невялікага пасёлка, мяне вельмі хвалюе пытанне развіцця рэгіёнаў. Спадзяюся пачуць меркаванне Прэзідэнта наконт таго, як будзе рэалізоўвацца падтрымка сельскіх населеных пунктаў, якая будучыня чакае беларускую вёску і яе жыхароў. Сёння ў сельскай мясцовасці нямала добрых прадпрыемстваў і арганізацый, амбіцыёзных кіраўнікоў і таленавітай моладзі. Для таго каб яны маглі рэалізаваць сябе на сваёй малой радзіме і мець дастойны ўзровень жыцця, патрабуецца не толькі ініцыятыва “знізу”, але і валявыя рашэнні на ўзроўні кіраўніка дзяржавы. Мяркую, у час Паслання яны будуць агучаны.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
