Сустрэча пад такой назвай у Дзятлаўскім раённым цэнтры карэкцыйна-развіваючага навучання і рэабілітацыі дала старт восеньскаму тэматычнаму тыдню “Цімураваланцёрская феерыя на Дзятлаўшчыне”.
Ён праходзіць у рамках абласной валанцёрскай акцыі “Памятаеш, мама…” да Дня маці.
У гэты дзень у карэкцыйны цэнтр да асаблівых дзяцей у вобразе вясёлага дамавічка Кузі завітала каардынатар дзейнасці раённага валанцёрскага клуба “Мы разам”, педагог-арганізатар раённага цэнтра дадатковай адукацыі дзяцей і моладзі Ірына Мішчанка з цікавай конкурсна-гульнявой праграмай.
Казачны герой прапанаваў дзецям на касмічным караблі ажыццявіць падарожжа ў краіну дабра, дзе ў Сонечным горадзе яны дарылі адзін аднаму чароўныя ўсмешкі і ветлівыя словы, у Спартыўным – правялі вясёлую эстафету, гульні, ад душы патанцавалі і з лепшымі пажаданнямі расправілі рознакаляровы парашут, а напрыканцы атрымалі салодкія прызы.
Ірына СТЫРНІК
Фотаздымкі прадастаўлены Ірынай МІШЧАНКА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
