Пальмавая нядзеля, або Вербніца, – гэта свята ў гонар уваходу Езуса Хрыста са сваімі вучнямі ў Іерусалім на вясновае свята Пасхі.
Апошнюю нядзелю Вялікага Посту называюць таксама Нядзеляй Пакуты Пана. Яна распачынае вялікі тыдзень, які заканчваецца ў Вялікдзень. Хрыстовы крыж вядзе не да смутку, а да радасці.
Сардэчна запрашаем на ўрачыстасць Вербнай нядзелі – асвячэнне галінак вярбы ў Касцёле Унебаўзяцця Найсвяцейшай Панны Марыі ў Дзятлаве 14 красавіка ў 10 гадзін.
Пан Езус зробіць для ўсіх прысутных вялікае здзіўленне. Сардэчна запрашаем кожную сям’ю.
Ксёндз-пробашч Здзіслаў Пікула
