14 лютага калектыў ДЛГУ “Дзятлаўскі лясгас” сардэчна павіншаваў былых воінаў-афганцаў – работнікаў арганізацыі са святам.
На сустрэчу былі запрошаныя 6 воінаў-інтэрнацыяналістаў, якія сёння сумленна працуюць на прадпрыемстве Іван Гладкі, Віктар Саўчанкаў, Аляксандр Каско, Вячаслаў Касянюк, Віктар Каско, Віктар Стэльмах.
Вітаючы ўдзельнікаў сустрэчы, намеснік дырэктара па ідэалагічнай рабоце Аляксей Урбановіч павіншаваў ветэранаў Афганскай вайны з 30-й гадавінай вываду савецкіх войскаў з Афганістана, адзначыў, што ў нашай краіне робіцца нямала для таго, каб памяць аб тых трагічных падзеях жыла і цяпер. Галоўным і самым важным прыкладам для памяці пакаленняў застаюцца жывыя ўдзельнікі тых падзей – ветэраны вайны ў Афганістане.
Аляксей Урбановіч падзякаваў воінам-інтэрнацыяналістам за іх мужнасць, вытрымку, самаадданасць у час самага складанага перыяду жыццёвага шляху.
Цёплыя словы віншаванняў прагучалі і ад адміністрацыі ўстановы, калег.
Аксана АНДАЛЮКЕВІЧ
