12 і 13 жніўня Беларускі гульнёвы тэатр роставых лялек «Dolls4All» актыўна ўдзельнічаў у міжнародным фестывалі фальклору “Мотальскія прысмакі-2017” на Брэстчыне.
Трохметровы Кот у ботах, вялікія героі мультфільма “Маша і Мядзведзь”, беларускія нацыянальныя персанажы Баба і Дзед, а таксама цікавы і незвычайны герой казак Бульбаёстык з’явіліся на святочнай пляцоўцы і забаўлялі жыхароў і гасцей Моталя.
У першы дзень на адной з пляцовак гледачы трапілі ў «Гасцёўню Бульбаёстыка», дзе ўбачылі розныя фокусы і шоу магічных парасонаў і мыльных бурбалак.
У другі дзень тэатральны калектыў прадставіў прысутным пастаноўку “Гарэзлівыя шчанюкі” па матывах мультфільма “Шчанячы патруль”.
Усяго на фестываль прысмакаў ездзілі сямнаццаць роставых лялек. Кожная з іх была прыкметнай, таму госці карысталіся магчымасцю сфатаграфавацца з яркімі персанажамі мультфільмаў і казак.
На Дзятлаўшчыну ўдзельнікі Беларускага гульнёвага тэатра роставых лялек прывезлі дыплом і каштоўныя падарункі.
Падрыхтавала да друку Ю. БАКУНОВІЧ.
Фота прадастаўлена Дзятлаўскім цэнтрам культуры і народнай творчасці
Уважаемые Дятловчане *** А знаете ли вы что 7-8 августа была 75 годовщина уничтожения Дятловского гетто, и об этом можно прочитать на памятниках установленных на братских могилах. Там же можно прочитать количество уничтоженных жителей Дятлова, которое исчисляется несколькими тысячами.
Где можно что-либо прочитать об этом событии в местной газете *Перамога* ?
Рейтинг комментария:
0
0