У нядзелю з таварыскім візітам у Дзятлава завітала хакейная каманда Слонімскага раёна. Летась у таварыскім матчы госці выйгралі па булітах. Сёлета наспеў час рэваншу. І гаспадары выкарысталі шанц. Увесь матч (тры перыяды) прайшоў за яўнаю перавагаю гаспадароў. Дзятлаўчане закідвалі шайбы і ў роўных складах, і нават калі заставаліся ў меншасці. 8:0 – перамагла дзятлаўская каманда.
Тым часам у раённым турніры на прызы клуба “Залатая шайба” (сярэдняя ўзроставая група) вызначыўся пераможца. Ім стала фаварытная каманда дзятлаўскай СШ №1. Другое месца заняла каманда СШ №3. Трэці прызёр пакуль не вызначаны. Турнір працягваецца.
Доўжаць свой зімовы чэмпіянат і міні-футбалісты. У лідарах – “Ніва”, “Наваельня” і “Лібертас”.
Фота Б. ВАРНЫ