4 верасня сваё прафесійнае свята адзначаць работнікі нафтавай, газавай і паліўнай прамысловасці.
З надыходзячай адметнай датай калектыў Дзятлаўскага раёна газазабеспячэння павіншаваў старшыня раённага Савета дэпутатаў Аляксандр Бараноўскі.
– Напярэдадні прафесійнага свята вельмі прыемна чарговы раз наведаць ваш працавіты, самадастатковы, дружны калектыў пад кіраўніцтвам дэпутата раённага Савета дэпутатаў Юрыя Ганчара, які прымае актыўны ўдзел у жыцці раёна, – адзначыў ён. – Шчыра жадаю вам працоўных поспехаў, сямейнага дабрабыту, здароўя вашым родным і блізкім і міру на зямлі.
Аляксандр Станіслававіч уручыў Ганаровую грамату Дзятлаўскага раённага Савета дэпутатаў начальніку Дзятлаўскага РГЗ Юрыю Ганчару. Падзячным лістом старшыні Дзятлаўскага раённага Савета дэпутатаў адзначаны слесар па абслугоўванні і рамонце газакарыстальнага абсталявання Сяргей Белаус; Ганаровай граматай Дзятлаўскага райвыканкама – вядучы бухгалтар Ала Дайліда; Падзячным лістом старшыні Дзятлаўскага райвыканкама – слесар па абслугоўванні і рамонце вонкавых газаправодаў Казімір Кіслы; кантралёр Наталля Сцяпура; слесар па абслугоўванні і рамонце вонкавых газаправодаў Юрый Ладыш.
Начальнік раёна газазабеспячэння Юрый Ганчар перадаў калегам віншаванні ад кіраўніцтва УП “Гроднааблгаз”, агучаныя на абласной святочнай канферэнцыі, падзякаваў за працу і ўручыў профільныя ўзнагароды калегам.
Ганаровай граматай УП “Гроднааблгаз” узнагароджаны вядучы інжынер вытворчага аддзела Уладзімір Данільчык, слесар па абслугоўванні і рамонце газакарыстальнага абсталявання Андрэй Абражэй; Ганаровай граматай ВУ “Слонімгаз” – майстар аварыйна-дыспетчарскай службы Яўген Дораш, рабочы па комплексным абслугоўванні будынкаў і збудаванняў Мікалай Ціхан; Ганаровай граматай прафсаюзнага камітэта ВУ “Слонімгаз” – кантралёр Лілія Кароль, прыбіральшчык памяшканняў Ірына Аўчыннікава.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
