Напярэдадні праваслаўнага свята Хрышчэння Гасподняга Дзятлаўскі раённы цэнтр гігіены і эпідэміялогіі ў мэтах папярэджання рызыкі распаўсюджвання і прафілактыкі каранавіруснай інфекцыі рэкамендуе:
прыхаджанам і супрацоўнікам прыходаў адказна і ўважліва ставіцца да свайго самаадчування. Пры недамаганні звярнуцца за медыцынскай дапамогай;
арганізаваць абавязковае вымярэнне тэмпературы ў ранішні час (да прыкладу, пры дапамозе бескантактавага тэрмометра). Забараніць допуск да правядзення службы святароў з прыкметамі вострых рэспіраторных інфекцый (тэмпература цела 37,0 С і вышэй, кашаль, насмарк і іншае);
пры правядзенні гэтага мерапрыемства выконваць сацыяльнае дыстанцыраванне 1,5 метра;
выкарыстоўваць бескантактавы метад прывітання (слоўнае прывітанне або паклон), пазбягаць поціскаў рукі.
Дадзеныя прафілактычныя меры з’яўляюцца вымушанымі і накіраваны выключна на бяспеку здароўя. У выпадку з’яўлення сімптомаў ВРІ ці іншых інфекцыйных хвароб варта дзеля любові да блізкіх і клопату пра іх устрымацца ад наведвання мерапрыемства.
Алена ШАЙБАК,
галоўны санітарны доктар Дзятлаўскага раёна
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
