З надыходам навагодніх святаў амаль у кожным доме ставяць і ўпрыгожваюць ёлкі.
Варта нагадаць элементарныя правілы бяспекі пры выкарыстанні электрычных устройстваў для навагодніх дрэўцаў.
Ёлку заўсёды неабходна ўстанаўліваць на ўстойлівай падстаўцы і ўпрыгожваць яе толькі заводскай электрагірляндай, якая павінна мець неразборную вілку; не дазваляйце дзецям падключаць гірлянды да электрычнай сеткі; не спрабуйце самастойна разбіраць і рамантаваць уключаныя гірлянды; не згінайце і не нацягвайце іх. Беражыце пакаёвыя гірлянды ад кантакту з вадой.
Гірлянды для вуліцы павінны мець больш надзейную ізаляцыю, якая абараняе ад вільгаці і пылу. Ёлкі, якія ўстанаўліваюцца па-за памяшканнямі, нельга ўпрыгожваць гірляндамі, прызначанымі для хатняга выкарыстання.
На дрэвах можна размяшчаць толькі тыя гірлянды, якія рэкамендаваны вытворцам для выкарыстання падобным чынам. Не размяшчайце гірлянды і шнуры там, дзе яны могуць трапіць пад ногі і на зямлю, перашкаджаць руху аўтатранспарту. Забараняецца размотваць і манціраваць светлавыя шнуры і любыя іншыя тыпы гірлянд на моцным марозе.
Лідзіруючае месца па практычнасці і эстэтычнасці займаюць святлодыёдныя (LED) гірлянды. Іх перавагамі з’яўляецца павышаная вільгацеахова, малое энергаспажыванне, высокая яркасць, разнастайнасць колераў, дынаміка святла. Выкарыстоўваюцца як на вуліцы, так і ў інтэр’еры, зручныя ў мантажы. Акрамя таго, тросы падвешвання кабеляў і гірлянд павінны быць занулены і заземлены.
Пры арганізацыі і правядзенні кірмашоў падключэнне разетак для ўключэння гандлёвага абсталявання і рэкламнага асвятлення неабходна выконваць з прымяненнем устройстваў ахоўнага адключэння.
Валянцін КАСЦЮКЕВІЧ,
інспектар Дзятлаўскай энергагазінспекцыі
Андрэй ГОМАН,
намеснік галоўнага інжынера Дзятлаўскага РЭС
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
